របៀប Log out កម្មវិធី Messenger ងាយៗ

2016-04-23 22:14:09
ចំនួនមតិ 0 | ចំនួនចែករំលែក 0

ចន្លោះមិនឃើញ

Messenger ជាកម្មវិធីសម្រាប់ផ្ញើសារជាអក្សរ សំឡេង ស្ទីកគ័រ និងវីដេអូ ភ្ជាប់ពី Facebook ដែលគេទើបបង្កើតឡើងឲ្យប្រើប្រាស់នៅប៉ុន្មានឆ្នាំចុងក្រោយនេះ។ ក្រោយបើកកម្មវិធី Facebook លើស្មាតហ្វូន បើលោកអ្នកចង់ផ្ញើសារទៅកាន់មិត្តភ័ក្ដិ ចាំបាច់បំផុតត្រូវដំឡើង Messenger មួយទៀត។

កម្មវិធីចំនួនពីរបើកស្របគ្នានេះហើយ បានធ្វើអ្នកប្រើប្រាស់ Facebook មួយចំនួនជួបបញ្ហា ពេលពួកគេចង់ប្ដូរគណនី Facebook ផ្សេង តែត្រូវជាប់ Messenger ក្នុងគណនីចាស់ ព្រោះវាពុំមានប៊ូតុង Log out។ អ្នកខ្លះបានបង្ខំចិត្តលុបចោល (Uninstall) កម្មវិធី Messenger ដើម្បីបើកចូលជាថ្មី។ ខាងក្រោមនេះជាវិធីងាយៗ ដោយលោកអ្នកមិនបាច់លុប Messenger រួចដំឡើងជាថ្មីឲ្យស្របនឹងគណនី Facebook ឡើយ៖

១. ដំបូងអ្នកត្រូវបើកចូលកម្មវិធី Facebook ឲ្យដូចគ្នានឹងគណនីបើកចូល Messenger

២. ចូល More ផ្នែកខាងក្រោមកម្មវិធី Facebook រួចចុច Setting =>Account Setting =>Security=>Active Sessions រួចមើលលើពាក្យ Device Type: Facebook Messenger on iOS

៣. បន្ទាប់ពីឃើញហើយ ចុចលើសញ្ញាខ្វែង (X) ដើម្បីឲ្យ Messenger លោតពាក្យ Session Expired

៤. ចុងក្រោយលោកអ្នកអាច Log in ជាថ្មីបានហើយ៕