សឹងមិនជឿ! តួរឿង “Harry Potter” ម្នាក់ក្លាយជាកីឡាករវាយដាក់ទ្រុង

2016-04-26 16:52:16
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងប្រុស Josh Herdman ដែលធ្លាប់សម្ដែងក្នុងរឿងបែបវេទមន្ត “Harry Potter” ទាំង៨វគ្គបានចាប់អាជីពថ្មីជាកីឡាករវាយដាក់ទ្រុង។

Josh Herdman ដែលប្រិយមិត្តមួយចំនួនស្គាល់សម្ដែងតួឈ្មោះ Gregory Goyle ក្នុងរឿង “Harry Potter” បានចេញវាយក្នុងអាជីពប្រដាល់ចម្រុះដំបូងកាលពីចុងសប្ដាហ៍ ដោយបានយកឈ្នះគូប្រកួតអ្នកប្រដាល់ប៉ូឡូញ Janusz Walachowski នៅទីក្រុង Romford ភាគខាងកើតទីក្រុងឡុងដុង។

និយាយពីបទពិសោធន៍ការចូលប្រដាល់ តារាប្រុសវ័យ២៨ឆ្នាំបានប្រាប់ថា៖"ខ្ញុំបានហាត់ក្បាច់គុនjujitsu របស់ជប៉ុនអស់រយៈពេលជិត៥ឆ្នាំហើយ និងទទួលបានខ្សែក្រវាត់ខ្មៅ។ ការវាយដាក់ទ្រុងពិតជាសាហាវនិងមិនអាចគិតទុកមុនបាន។ ខ្ញុំគិតថាវាទាក់ទាញជាងការប្រដាល់ធម្មតា។ ខ្ញុំសម្រេចចូលវាយដាក់ទ្រុងដោយសារតែការហាត់ក្បាច់គុន jujitsu របស់ខ្ញុំ"។

ត្បិតតែចាប់អាជីពថ្មី Josh Herdmanនៅតែស្រឡាញ់ការសម្ដែងដោយនិយាយថា៖"ខ្ញុំយល់ថា វាមិនមែនជាការផ្លាស់ប្ដូរអាជីពច្រើនទេ។ ខ្ញុំនៅតែមានចិត្តចង់សម្ដែងផងនិងវាយផង"៕