Ronaldo ប្រឹងហាត់ទាំងថ្ងៃ ទាំងយប់ដើម្បីជាឱ្យទាន់លេងជាមួយ Man City
- 2016-04-30 16:12:33
- ចំនួនមតិ 0 | ចំនួនចែករំលែក 0
Ronaldo ប្រឹងហាត់ទាំងថ្ងៃ ទាំងយប់ដើម្បីជាឱ្យទាន់លេងជាមួយ Man City
ចន្លោះមិនឃើញ
ខ្សែប្រយុទ្ធ Cristiano Ronaldo កំពុងតែធ្វើការហ្វឹកហាត់ទាំងថ្ងៃទាំងយប់ សឹងតែមិនមានពេលទំនេរសោះ ដើម្បីឱ្យរបួសសាច់ដុំរបស់ខ្លួនជាសះស្បើយទាន់ពេលវេលា លេងជាមួយក្រុម Manchester City ជើងទី២ ពានរង្វាន់ UEFA Champions League ។
ក្រុម Real Madrid នឹងត្រូវប្រកួតជាមួយក្រុមReal Sociedad នៅម៉ោង៩យប់នេះ ដោយមិនមានវត្តមានកីឡាករសំខាន់២នាក់គឺ Ronaldo និង Karim Benzema ។ ដោយការអវត្តមាននៅប្រកួតយប់នេះ ត្រូវបានគេមើលឃើញថាដើម្បីទុកពេលវេលាឱ្យកីឡាករទាំងពីរព្យាបាលរបួសឱ្យប្រាកដជាសះស្បើយ ១០០% ដើម្បីត្រៀមប្រកួតធំនៅសប្ដាហ៍ក្រោយជាមួយ Manchester City ។
អំឡុងពេលសម្រាកនេះដែរ ខ្សែប្រយុទ្ធឆ្នើម Ronaldo មិនសម្រាកដេកផ្ទះស្ងៀមទេ ដោយបុរសកូនមួយរូបនេះហ្វឹកហាត់នៅផ្ទះខ្លួនឯងយ៉ាងសកម្ម មានទាំងហ្វឹកហាត់នៅកន្លែងហាត់ប្រាណ និងហែលទឹកពង្រឹងសុខភាពទៀតផង។
ដោយមើលឃើញពីការខិតខំប្រឹងប្រែងនេះដែរ លោក Zidane ដែលជាគ្រូបង្វឹកក្រុម Real Madrid បាននិយាយចំពោះរបួសរបស់ពួកគេទាំងពីរថា៖ “ខ្ញុំមានសង្ឃឹមថាគាត់ អាចត្រលប់មកជួយក្រុមវិញបាននៅសប្ដាហ៍ក្រោយ។ បើទោះបីជាការប្រកួតទាំង៣នៅលីគសំខាន់មែន ប៉ុន្តែខ្ញុំត្រូវតែប្រាកដថាឱ្យគាត់សម្រាកឱ្យគ្រប់គ្រាន់ ដើម្បីជាសះស្បើយ១០០%”៕
ប្រែសម្រួល៖ មុន្នី រម្យ ប្រភព៖ dailymail