ទារកកើតមកមានជើងជាប់គ្នាដូចទេពមច្ឆា បង្កការភ្ញាក់ផ្អើល
- 2016-05-03 17:02:34
- ចំនួនមតិ 0 | ចំនួនចែករំលែក 0
ទារកកើតមកមានជើងជាប់គ្នាដូចទេពមច្ឆា បង្កការភ្ញាក់ផ្អើល
ចន្លោះមិនឃើញ
ទារកម្នាក់កើតមកក្នុងករណីកម្រមួយដោយមានជើងជាប់គ្នា ដែលបង្កឲ្យមនុស្សជាច្រើនភ្ញាក់ផ្អើលថាដូចទេពមច្ឆា។
តាមប្រភពព័ត៌មាន Daily Mail បានឲ្យដឹងថា រឿងហេតុខាងលើបានកើតឡើងនៅប្រទេសឥណ្ឌា ដោយទារកអភ័ព្វនោះមានដង្ហើមរស់នៅបានត្រឹមតែរយៈពេល១០នាទីប៉ុណ្ណោះ។
ម្ដាយរបស់ទារកដែលមានវ័យ២២ឆ្នាំ មកពីរដ្ឋ Uttar Pradesh បានសម្រាលកូនកាលពីថ្ងៃសុក្រកន្លងទៅ។ គ្រូពេទ្យវ័យ៣៥ឆ្នាំ លោក Vandana Arya ដែលបានជួយសម្រាលយកទារកខាងលើបានឲ្យដឹងថា៖ "ខ្ញុំមិនដែលជួបប្រទះករណីនេះពីមុនមកទេ។ ទារកខ្លះកើតមក រាងកាយរបស់ពួកគេខូចទ្រង់ទ្រាយបន្តិចបន្តួច ប៉ុន្តែខ្ញុំជួបលើកនេះជាករណីកម្រមួយ "។
លោកគ្រូពេទ្យ Arya បានបន្ថែមទៀតថា ដោយសារតែលក្ខខណ្ឌកម្រ ធ្វើឲ្យក្រុមគ្រូពេទ្យពុំអាចបញ្ជាក់ពីភេទរបស់ទារកថាជាប្រុសឬស្រីបាន។ តាមលោក Lindsey Fitzharris បណ្ឌិតវេជ្ជសាស្ត្រពីសកលវិទ្យាល័យ Oxford បានឲ្យដឹងថា ករណីជំងឺកម្រខាងលើនោះមានឈ្មោះថា Sirenomelia ដែលកើតចេញពីដំណើរសរសៃឈាមដំណើរការមិនប្រក្រតី។
ករណីខាងលើធ្លាប់កើតមានឡើងលើ ទារកមួយចំនួនផងដែរ។ កាលពីឆ្នាំ២០០៦ កន្លងទៅក្រុមគ្រូពេទ្យជំនាញបានវះកាត់លើក្មេងស្រីជនជាតិប៉េរូអាយុ២ឆ្នាំម្នាក់ដែលមានជើងជាប់គ្នាពីកំណើត បានសម្រេចដោយជោគជ័យ៕
ចុចអាន៖ ជួបនាងទេពមច្ឆាពិត ក្នុងសួនទឹក
ប្រែ សម្រួល៖ មាន រតនា ប្រភព៖ dailymail