តំណាងអង្គការ UNESCO៖ រៀងរាល់ ៥ថ្ងៃ អ្នកកាសែតម្នាក់ត្រូវបានសម្លាប់

2016-05-04 19:10:26
ចំនួនមតិ 0 | ចំនួនចែករំលែក 0

ចន្លោះមិនឃើញ

តំណាងអង្គការ UNESCO ប្រចាំនៅកម្ពុជា លោកស្រី Anne Lemaistre បានថ្លែងថា ចាប់តាំងពីឆ្នាំ ២០១៥ មកដល់ត្រឹមថ្ងៃ ០៣ ខែឧសភា អ្នកសារព័ត៌មាននៅលើពិភពលោកចំនួន ៨២នាក់ត្រូវបានសម្លាប់ ដែល ស៊ីរី ម៉ិកស៊ីកូ និងអាមេរិកខាងត្បូង ជាកន្លែងដ៏គ្រោះថ្នាក់ជាងគេបំផុត។

លោកស្រី Anne Lemaistre ថ្លែងយ៉ាងដូច្នេះ៖ "អនុញ្ញាតឱ្យខ្ញុំរំលឹកដែរថា រៀងរាល់ ៥ថ្ងៃ អ្នកកាសែតម្នាក់ត្រូវបានសម្លាប់"។ លោកស្រីបានបញ្ជាក់ឱ្យដឹងថា ក្នុងប្រទេសនានា អ្នកសារព័ត៌មានប្រឈមនឹងបញ្ហាជាច្រើន ដូចជា ការចាប់ខ្លួន ការដាក់ទោស ការគំរាមកំហែង និងរងអំពើហិង្សា។

លោកស្រី Anne Lemaistre

បើងាកមកមើលកម្ពុជាវិញ ក្នុងរយៈពេលមួយឆ្នាំចុងក្រោយនេះ មិនទាន់មានបុគ្គលិកស្ថាប័នព័ត៌មានណាមួយ ត្រូវបានគេសម្លាប់ និងបង្កឱ្យមានរបួសស្នាមនោះទេ។ នេះតាមសម្ដីបស់លោក ឆាយ សុផល សមាជិកគណៈនាយកក្លឹបអ្នកកាសែតកម្ពុជា។

"ចាប់តាំងពី ខែឧសភា ឆ្នាំ ២០១៥ មកដល់ (ខែឧសភា) ២០១៦ មានបណ្ដឹង ៤ករណី។ បណ្ដឹងនេះទាក់ទិននឹងបរិហារកេរ្តិ៍ ប៉ុន្តែបណ្ដឹងនេះមិនទាន់ដោះស្រាយទេ អ្នកកាសែតរបស់យើងនៅក្រៅឃុំ។ ករណីចាប់ខ្លួន និងឃាត់ខ្លួនមាន ១៩ នាក់ ហើយភាគច្រើនទាក់ទិនតែរឿងជំរិតទារប្រាក់គេ។ មួយទៀតគឺការគំរាមកំហែងបែបផ្លូវកាយ និងបោកសម្ភារៈ មាន ២០ ករណី តែមិនមានរបាយការណ៍ ទាក់ទងនឹងរបួស និងសម្លាប់នោះទេ។ ១៩នាក់ហ្នឹង ចាប់បាន ១ថ្ងៃអ៊ីចឹង គឺដោះលែងទៅវិញ"។ លោក ឆាយ សុផល បញ្ជាក់។

ថ្លែងស្ដីពីការបង្កើតច្បាប់ ការពារអ្នកសារព័ត៌មាន ក្នុងទិវាសេរីភាពសារព័ត៌មានពិភពលោក ២០១៦ នៅសណ្ឋាគារកាំបូឌីយ៉ាណា ម្សិលមិញ ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានថ្លែងឱ្យដឹងដែរថា ដើម្បីការពារអ្នកសារព័ត៌មានបាន លុះត្រាអ្នកសារព័ត៌មាន ត្រូវមានក្រមសីលធម៌ល្អ ដើម្បីអភិវឌ្ឍន៏កម្ពុជាឱ្យរីកចម្រើន។

ឯកឧត្ដម ខៀវ កាញារីទ្ធ ថ្លែងថា៖ "...កន្លងមកយើងបានប្រជុំម្ដងហើយ ប៉ុន្មានថ្ងៃមុននេះ ក៏មាននិយាយអំពី តើមានច្បាប់អីការពារអ្នកការសែតទេ? ខ្ញុំបានប្រាប់ហើយថា អ្នកកាសែតក៏ដូចជាជនទូទៅដែរ គឺសុទ្ធតែមានច្បាប់ការពារ។ មិនមែនអ្នកកាសែត មានលក្ខខណ្ឌដោយឡែកទេ គឺជាច្បាប់ដែលយើងត្រូវការពារពលរដ្ឋ។ ប៉ុន្តែសំខាន់ដែរ ក៏សុំអ្នកកាសែតរបស់យើង គឺត្រូវមានក្រមសីលធម៌មួយដ៏រឹងមាំ ព្រោះយើងមិនអាចថា អ្នកកាសែតមានរឿងហើយ គឺអ្នកកាន់ជើងអ្នកកាសែតគ្នាយើងទេ គឺអត់ត្រូវទេ យើងត្រូវកាន់ថា អ្នកនេះខុស អ្នកនេះត្រូវ។ អ៊ីចឹងបានយើងឱ្យតម្លៃអ្នកសារព័ត៌មានយើង។ នេះជារឿងសំខាន់ណាស់! ដើម្បីការពារបាន យើងត្រូវមានក្រមសីលធម៌ខ្លាំង ហើយទទួលយកបានទាំងអស់គ្នា..."៕

អាន៖ សេរីភាពសារព័ត៌មានកម្ពុជា ជាប់លេខ១ ក្នុងចំណោមប្រទេសអាស៊ានទាំង១០

អត្ថបទ៖ អ៊ុំ សុភក្តិ

ពាក្យទាក់ទង

ព័ត៌មានសង្គម

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អត្ថបទថ្មី

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤

ធ្វើលិខិតថ្កោលទោសតាមអនឡាញដំណាក់កាលទី២ ចាប់ពីខែក្រោយ នឹងកាន់តែងាយស្រួលរហ័សជាងមុនទៀត

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម