ប្រាក់ជិត២ម៉ឺនដុល្លារជូនគន្ធបុប្ផាពីក្លឹបអ្នកជិះកង់ដើម្បីសហគមន៍

2016-05-12 15:35:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបអ្នកជិះកង់ដើម្បីសហគមន៍មានទីតាំងនៅសៀមរាបបានប្រមូលថវិកាចំនួនUSD 17380.86$ និងប្រាក់២លានរៀល ជូនដល់មន្ទីរពេទ្យគន្ធបុប្ផា។

លោក គិម ប៊ូថាន់ ប្រធានក្លឹបអ្នកជិះកង់ បានប្រាប់ថាដោយមើលឃើញការខ្វះខាតរបស់មន្ទីរពេទ្យមួយនេះ តែងតែជួយព្យាបាលកុមារកម្ពុជារាប់ម៉ឺននាក់ក្នុងមួយឆ្នាំៗដោយមិនគិតថ្លៃ ម្ល៉ោះហើយក្រុមរបស់លោកក៏ផ្ដួចផ្ដើមសកម្មភាពនេះសម្រាប់សង្គមក្នុងការរួមចំណែកជួយកុមារកម្ពុជា ។

នេះជាលើកទី៣ហើយចំពោះក្រុមអ្នកជិះកង់ដើម្បីសហគមន៍ ជាក្រុមជិះកង់សប្បុរសធម៌មិនស្វែងរកផលចំណេញបង្កើតព្រឹត្តិការណ៍ដើម្បីបុព្វហេតុសប្បុរសធម៌ជូនដល់មន្ទីរពេទ្យគន្ធបុប្ផា ដែលឆ្នាំនេះមានអ្នកចូលរួមសរុប៥៦១នាក់ ។

សម្រាប់ឆ្នាំមុន ក្លឹបនេះប្រមូលថវិកាបានចំនួន៧,០៩៧ដុល្លារជូនមន្ទីរពេទ្យគន្ធបុប្ផាពីអ្នកចូលរួមជិះកង់ចំនួន៣៣៨នាក់ និងបណ្ដាក្រុមហ៊ុនផ្សេងៗចំនួន៣៦ក្រុមហ៊ុនបានជួយឧបត្ថម្ភ៕