ខំរៀប Rubik Cube ៨៤០ដុំ បីយប់ឲ្យចេញរូបនារីក្នុងសុបិន តែលទ្ធផល...
- 2016-05-13 18:46:20
- ចំនួនមតិ 0 | ចំនួនចែករំលែក 0
ខំរៀប Rubik Cube ៨៤០ដុំ បីយប់ឲ្យចេញរូបនារីក្នុងសុបិន តែលទ្ធផល...
ចន្លោះមិនឃើញ
បុរសវ័យ ២៧ឆ្នាំ ជនជាតិចិនម្នាក់ឈ្មោះ Tong Aona បានចំណាយពេលបីយប់ រៀប Rubik Cube ចំនួន ៨៤០ដុំ ទៅតាមពណ៌ឲ្យចេញរូបនារីក្នុងសុបិនដើម្បីបញ្ជាក់ពីក្តីស្នេហ៍ស្មោះ តែលទ្ធផលមិនដូចការរំពឹងទុក។
ដោយសារតែចង់បញ្ជាក់ពីក្តីស្នេហ៍ទៅកាន់នារីដែលខ្លួនលួចស្រឡាញ់ Tong Aona ប្រាប់ CNN ថា លោកចំណាយពេលបីយប់មិនបានគេង ដើម្បីរៀប Rubik Cube ៨៤០ដុំ និងចំណាយប្រាក់អស់ ៤៦០ដុល្លារ។ ចំពោះការគូរប្លង់រូបនារីក្នុងសុបិន កម្ពស់ ២,៦ម៉ែត្រ និងទទឹង ១,៣៧ម៉ែត្រ Tong ប្រើពេលដល់ទៅ ២ខែឯណោះ។
ក្រោយរូបនារី ដែលលោក Tong ប្រើ Rubik Cube ៨៤០ដុំ ចំណាយពេលរៀបអស់បីយប់រួចរាល់ បុរសកម្សត់នេះ ក៏យកទៅបង្ហាញនារីដែលជាម្ចាស់រូប តែត្រូវនាងបដិសេធ។
“ខ្ញុំពិតជាចង់ឲ្យនាងភ្ញាក់ផ្អើលហើយប្រាប់នាងថាខ្ញុំចូលចិត្តនាង តែទីបំផុត ត្រូវគេបដិសេធទៅវិញ"។
យ៉ាងណា លោក Tong មិនប៉ះពាល់អារម្មណ៍អ្វីធំដុំទេ តែគ្រាន់តែមិនដឹងត្រូវធ្វើយ៉ាងម៉េចទៀតចំពោះរូបដ៏ធំនៅក្នុងបន្ទប់លោកនោះ។ បណ្តាអ្នកលេងអ៊ីនធឺណិតបុរសៗនៅចិនក៏បានសរសើរពីទឹកចិត្តរបស់ Tong ហើយក៏អាណិតអាសូរលោក ដែលខំប្រឹងប្រែងដើម្បីបញ្ជាក់ពីស្នេហា តែត្រូវទទួលភាពឈឺចាប់ទៅវិញ៕
អាន៖ វីដេអូពិសេសសម្រាប់អ្នកចូលចិត្តផលិតផល Brand Brand ធ្វើពីស្បែកសត្វ
ប្រែសម្រួល៖ ប៉ែត ផាន់និត
ប្រភព៖ Shanghaiist