សុនខមុខអាក្រក់បំផុតក្នុងលោក ទទួលរង្វាន់វីរបុរស ព្រោះអំពើសប្បុរស
- 2016-05-13 22:31:50
- ចំនួនមតិ 0 | ចំនួនចែករំលែក 0
សុនខមុខអាក្រក់បំផុតក្នុងលោក ទទួលរង្វាន់វីរបុរស ព្រោះអំពើសប្បុរស
ចន្លោះមិនឃើញ
សុនខមុខអាក្រក់ជាងគេលើលោក Mugly បានឈ្នះពានរង្វាន់វីរបុរស ដោយសារគុណសម្បត្តិដ៏ធំធេងជួយដល់ជនពិការ។
Mugly រហស្សនាម The World's Ugliest Dog
Mugly បានដើរតួជាសុនខស្ម័គ្រចិត្តឲ្យអង្គការ Therapy Dogs Nationwide របស់អង់គ្លេសរយៈពេលជាង ៦ឆ្នាំ ដោយមានតួនាទីជួយថែទាំនិងផ្ដល់កម្លាំងចិត្តដល់អ្នកជំងឺក្នុងមន្ទីរពេទ្យ និងជនពិការជាដើម។ ដោយសារមុខអាក្រក់ទើប Mugly ត្រូវដាក់ឈ្មោះថា The World's Ugliest Dog នៅក្នុងឆ្នាំ ២០១២ ហើយកាលពីសប្ដាហ៍មុន សុនខនេះបានឈ្នះពានរង្វាន់ Most Heroic Hound នៅក្នុងកម្មវិធីប្រគល់ពានរង្វាន់ SuperDogs នាទីក្រុងឡុង។
តាមពិតទៅ Mugly ត្រូវបានអ្នកបង្កាត់ពូជឆ្កែម្នាក់បោះបង់ចោលតាំងពីគេមានអាយុ ៣ថ្ងៃម្ល៉េះ។ ក្រោយមកក៏ត្រូវបានគេរើសទៅចិញ្ចឹមហើយធំធាត់ ដោយមានរូបរាងអាក្រក់ រហូតដល់ថ្នាក់គណៈកម្មការនៅអាមេរិកនិងអង់គ្លេសដាក់ឈ្មោះ The World's Ugliest Dog ក្នុងឆ្នាំ ២០១២ និងឆ្នាំ ២០០៥។
ក្នុងឆ្នាំ ២០១០ Mugly បានទទួលលិខិតសរសើរ Therapy Dog ដោយសារបានផ្តល់ជំនួយយ៉ាងល្អដល់អ្នកដែលមានបញ្ហាពិការអវយវៈនិងបញ្ញា។
បើតាមម្ចាស់ Mugly ឈ្មោះ Bev Nicholson និយាយថា «គេពិតជាធ្វើឲ្យខ្ញុំភ្ញាក់ផ្អើលជាខ្លាំង ព្រោះតែសមត្ថភាពអាចដឹងយ៉ាងច្បាស់ថា ត្រូវធ្វើម៉េចពេលជួបមនុស្ស។ បើពេលជួបជនពិការភ្នែក Mugly ឈរស្ងៀមហើយឲ្យពួកគេប៉ះគាត់ម៉ាសេរី ហើយបើពេលនរណាម្នាក់កើតទុក្ខ គេខិតចូលទៅជិតយកខ្លួនទៅប៉ះ ផ្ដល់ភាពកក់ក្ដៅ»។
Mugly ជាសុនខល្បីឈ្មោះដោយសារកិច្ចការជួយជនពិការ រហូតបានឡើងកម្មវិធីទូរទស្សន៍ធំៗ ដូចជា Mutt Ugly (Ch5), Ronnie's Animal Crackers (BBC1) និង A Different Breed (Sky1)៕
អាន៖ ខំរៀប Rubik Cube ៨៤០ដុំ បីយប់ឲ្យចេញរូបនារីក្នុងសុបិន តែលទ្ធផល…
ប្រែសម្រួល៖ ប៉ែត ផាន់និត ប្រភព៖ ndtv