ល្បិចប្រើនំប៉័ងជារបស់មានប្រយោជន៍ច្រើនយ៉ាងក្នុងផ្ទះ

2016-05-18 18:58:15
ចំនួនមតិ 0 | ចំនួនចែករំលែក 0

ចន្លោះមិនឃើញ

នំប៉័ងមិនត្រឹមជាចំណីរសជាតិឆ្ងាញ់ ធ្វើជានំស៉ាំងវ៉ិច ហូបផ្ទាប់ជាមួយម្ហូបផ្សេងៗ ឬហូបកំដរមាត់លេង តែក៏មានប្រយោជន៍ជាច្រើនទៀតដែលអាចប្រើក្នុងផ្ទះបាន។ តាមរយៈវិបសាយចំណេះដឹង Life Hacker បានបង្ហាញតិចនិកប្រើនំប៉័ងមួយចំនួនដូចខាងក្រោម៖

១. ផ្ដិតយកកម្ទេចកែវបែក

កែវបែកខ្ទាតអំបែងពេញលើកម្រាលឥដ្ឋ? កុំបារម្ភថាពិបាកប្រមូលកម្ទេចអំបែងតូចៗទាំងនោះ។ អ្នកអាចយកនំប៉័ង(ចំណិត)១បន្ទះទៅផ្ដិតយកគ្រាប់អំបែងនោះបានយ៉ាងងាយ។

២. ធ្វើឲ្យស្ករត្នោតទន់

ស្ករត្នោតខះរឹងអាចបន្ទន់ដោយនំប៉័ងបាន។ ដាក់នំប៉័ង១ចំណិតក្នុងក្រឡឬកែវស្ករត្នោតទុកចោលមួយយប់ អ្នកនឹងឃើញពីប្រសិទ្ធរបស់វាដែលធ្វើឲ្យស្ករត្នោតរលាយនៅពេលព្រឹក។

៣. ស្រូបក្លិនឆួលខ្ទឹមបារាំង

ពេលអ្នកបកចិញ្ច្រាំខ្ទឹមបារាំង ប្រាកដជាជួបក្លិនឆួលឈ្លក់ធ្វើឲ្យអ្នកហូរទឹកភ្នែក។ ប៉ុន្តែអ្នកអាចយកនំប៉័ងមួយដុំបៀមក្នុងមាត់(ដាក់លៀនចេញមកក្រៅ)។ ជាតិនំប៉័ងនឹងស្រូបក្លិនឆួលរបស់ខ្ទឹមបារាំងបានយ៉ាងល្អ។

៤. កាត់ក្លិនខ្លោចឈ្ងៀម

ម្ហូបត្រូវក្ដៅខ្លាំងមានក្លិនខ្លោច? កាត់នំប៉័ងមួយដំឬមួយបន្ទះក្នុងម្ហូបកំពុងកម្ដៅរួចគ្របឲ្យជិត ទុកពីរបីនាទីនោះក្លិនខ្លោចឈ្ងៀមនឹងបាត់ ចំណែករសជាតិម្ហូបនឹងប្រសើរជាងមុន។

៥. កម្ចាត់ស្នាមប្រឡាក់លើជញ្ជាំង

ពិបាកសម្អាតស្នាមប្រឡាក់ជាប់ជញ្ជាំង លែងជាក្ដីបារម្ភទៀតហើយ។ យកនំប៉័ងសល់មួយដុំទៅជូតសម្អាតស្នាមនោះចេញនោះអ្នកនឹងឃើញពីប្រសិទ្ធភាព។ អ្នកក៏អាចយកនំប៉័ងទៅសម្អាតផ្ទាំងគំនូរចាស់ៗដោយត្រដុសសម្អាតថ្នមៗលើវា៕