Nokia ប្រឡូកពិភពគុនសាជាថ្មី ជាមួយប្រព័ន្ធប្រតិបត្តិការ Android

2016-05-19 16:08:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Microsoft ទើបប្រកាសពីការលក់ជំនួញទូរសព្ទមួយផ្នែកក្នុងតម្លៃ ៣៥០លានដុល្លារ ទៅឲ្យក្រុមហ៊ុន HMD Global និង ក្រុមហ៊ុន FIH Mobile ដែលជាមែកធាងមួយរបស់រោងចក្រ Foxconn។

ការជួញដូរនេះរួមបញ្ចូលនូវ សិទ្ធប្រើប្រាស់ការឌីហ្សាញ ម៉ាកសញ្ញា Nokia រួមទាំងរោងចក្រផលិតក្នុងទីក្រុងហាណូយ ប្រទេសវៀតណាមផងដែរ។ ប្រតិបត្តិការនៃការផ្ទេរនេះរំពឹងថានឹងរួចរាល់នៅចុងខែមិថុនាខាងមុខនេះ។

ពេលរួចរាល់ក្រុមហ៊ុន HMD នឹងអាចលក់ទូរសព្ទ និង Tablet ដោយប្រើម៉ាកសញ្ញា Nokia និងដើរដោយប្រព័ន្ធប្រតិបត្តិការ Android ជាគោល។ ក្រុមហ៊ុនថ្មីនេះគ្រោងបណ្ដាក់ទុនលើសពី ៥០០លានដុល្លារ ក្នុងរយៈពេលបីឆ្នាំខាងមុខ ដើម្បីពង្រីកទីផ្សាររបស់ខ្លួន។

ការលក់ជំនួញមួយផ្នែកនេះមិនប៉ះពាល់ដល់ ទូរសព្ទដើរដោយ Windows របស់ក្រុមហ៊ុន Microsoft នោះឡើយ។ ក្រុមហ៊ុនបច្ចេកវិទ្យាយក្សនេះបានបញ្ជាក់ថានឹងបន្តផលិតទូរសព្ទ Windows ហើយនៅតែធ្វើឲ្យម៉ាកសញ្ញា Lumia មានជីវិត៕

ចុចអាន៖ iPhone 7 ប្រើអេក្រង់ Samsung និងបន្ទះ Chip របស់ Intel

ប្រែសម្រួល៖ ហៃ សុខហេង ប្រភព៖ TNW