iPhone 7 គ្មានឡើយការផ្លាស់ប្តូររូបរាងថ្មី

2016-06-01 15:53:48
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមការចុះផ្សាយរបស់ Asia Nikkei បានលើកឡើងថា ក្រុមហ៊ុន Apple ទំនងនឹងធ្វើការផ្លាស់ប្ដូរវដ្ដជីវិតរបស់ iPhone ដោយនឹងបន្ថែមរយៈពេលមួយឆ្នាំទៀត ពីលើវដ្ដជីវិតបច្ចុប្បន្ន។

រូបរាងគំរូ

បើតាមវដ្ដជីវិតកន្លងមកដែលមានរយៈពេលត្រឹមតែពីរឆ្នាំនោះ អំឡុងចុងឆ្នាំ ២០១៦ គេនឹងឃើញការផ្លាស់ប្ដូរដ៏ធំមួយទៅលើទូរសព្ទ iPhone។ ប៉ុន្តែជាមួយការបន្ថែមរយៈពេលមួយឆ្នាំពីលើវដ្ដជីវិត គេរំពឹងថា iPhone 7 នៅតែមានរូបរាងដដែល ដោយអាចមានចំណុចផ្លាស់ប្ដូរមួយចំនួនតូចប៉ុណ្ណោះ។

មានហេតុផលពីរដែលធ្វើឲ្យ Apple សម្រេចចិត្តដូចនេះ ទីមួយគឺដោយសារមិនទាន់បង្កើតបានបច្ចេកវិទ្យាអស្ចារ្យនិងពិសេសបានគ្រប់គ្រាន់នៅឡើយ។ ឯទីពីរទៀតនោះគឺដោយសារតែស្ថានភាពទីផ្សារនាពេលបច្ចុប្បន្នរបស់ក្រុមហ៊ុនមានការធ្លាក់ចុះ។

ដូចនេះអ្វីដែលអ្នកអាចទទួលបានជាមួយ iPhone 7 គឺរូបរាងអាចនឹងដូចជាម៉ូដែល iPhone 6 ប៉ុន្តែអាចមានកាមេរ៉ាដែលប្រសើរជាងមុន, ធន់នឹងទឹក, ថាមពលថ្មធំ ហើយអាចនឹងគ្មានរន្ធកាសទំហំ ៣,៥ ម.ម។ នេះបើតាមពាក្យចចាមអារ៉ាមបានចេញផ្សាយកន្លងមក៕

ចុចអាន៖ iPhone 7 អាចលែងមានជម្រើសមេមូរីទំហំ ១៦ GB

ប្រែសម្រួល៖ ហៃ សុខហេង ប្រភព៖ GSMArena