១៣ឆ្នាំសោះច្រៀងបានប៊ូតុងមាសនិងធ្វើឲ្យគណៈកម្មការ America's Got Talent ព្រឺសម្បុរ

2016-06-01 20:31:02
ចំនួនមតិ 0 | ចំនួនចែករំលែក 0

ចន្លោះមិនឃើញ

គណៈកម្មការស្រី Mel B សម្រេចឲ្យក្មេងស្រីអាយុ១៣ឆ្នាំឈ្មោះ Laura Bretan បានប៊ូតុងមាស បន្ទាប់ពីនាងស្រែកច្រៀងបទល្ខោនអូប៉េរ៉ាយ៉ាងអស្ចារ្យ កាលពីថ្ងៃអង្គារសប្ដាហ៍ដំបូងនៃក្នុងកម្មវិធីប្រឡងសមត្ថភាពចម្រុះ America's Got Talentរដូវកាលទី១១។

Lauraដែលសិស្សមកពីទីក្រុង Chicago បានឡើងមកលើឆាកដំបូងទាំងទឹកមុខភ័យព្រួយ ព្រោះនាងមិនដែលសម្ដែងនៅចំពោះមុខមនុស្សច្រើនបែបនេះទេ។ តែអ្វីដែលធ្វើឲ្យអ្នកគាំទ្រនិងគណៈកម្មការនាំភ្ញាក់ផ្អើលនឹកស្មាមិនដល់គឺពេលដែល Laura បានប្រើសំឡេងយ៉ាងអស្ចារ្យចម្រៀងបទល្ខោនអូប៉េរ៉ាធ្វើឲ្យគណៈកម្មការ Mel B ព្រឺសម្បុរខ្ញាកៗ។

Lauraបានសម្រក់ទឹកភ្នែក ក្រោយសម្ដែងចប់។ ទន្ទឹមនឹងនេះ Mel B បានបង្ហាញចំណាប់អារម្មណ៍ថា៖"សំឡេងរបស់ប្អូនបានធ្វើឲ្យខ្ញុំព្រឺសម្បុរអស់ហើយ។ ប្អូនទើបតែមានអាយុ១៣ឆ្នាំ។ កម្មវិធីប្រឡងនេះនឹងប្ដូរជីវិតរបស់ប្អូន ហើយខ្ញុំនឹងផ្លាស់ប្ដូរជីវិតប្អូនដូចគ្នា"។ ភ្លាមនោះ Mel Bបានទៅគោះប៊ូតុងមាសតែម្ដង ធ្វើឲ្យ Lauraនិងម្ដាយរំភើបចិត្តយ៉ាងខ្លាំង៕