ឱកាសទទួលបានអាហារូបករណ៍ទៅសិក្សានៅសិង្ហបុរី ៣០០កន្លែង
- 2016-06-03 22:59:34
- ចំនួនមតិ 0 | ចំនួនចែករំលែក 0
ឱកាសទទួលបានអាហារូបករណ៍ទៅសិក្សានៅសិង្ហបុរី ៣០០កន្លែង
ចន្លោះមិនឃើញ
វិទ្យាស្ថានគ្រប់គ្រងអាស៊ីបូព៌ា East Institute of Management Pte Ltd-EASB នៃសាធារណរដ្ឋសិង្ហបុរី បានសម្រេចផ្ដល់អាហារូបករណ៍ថ្នាក់បរិញ្ញាបត្រ ៣០០កន្លែង ដល់សិស្សថ្នាក់ទី១២ កម្ពុជា ដែលអាហារូបករណ៍នោះបែងចែកជាបីប្រភេទគឺ ៧០%, ៦៥% និង ៦០%។
អាហារូបករណ៍ដែលមានឈ្មោះថា PENSS (Prime minister Hun Sen – EASB National Scholarship Scheme) បានផ្ដល់ទៅលើថ្នាក់បរិញ្ញាបត្រដូចជា៖ បរិញ្ញាបត្រ ធុរកិច្ច និងការគ្រប់គ្រង (BA Business and Management Studies) បរិញ្ញាបត្រ គណនេយ្យ (BA Accounting) បរិញ្ញាបត្រ ប្រព័ន្ធព័ត៌មានធុរកិច្ច (BA Business Information System) បរិញ្ញាបត្រ គ្រប់គ្រងទេសចរណ៍ និងបដិសណ្ឋារកិច្ចអន្តរជាតិ (BA International Hospitality & Tourism Management) បរិញ្ញាបត្រ ធនាគារ និងហិរញ្ញវត្ថុអន្តរជាតិ (BA International Banking and Finance) បរិញ្ញាបត្រ ការដឹកជញ្ជូន និងការគ្រប់គ្រងចង្វាក់ការផ្គត់ផ្គង់ (BA Logistics and Supply Chain Management)
ប្រភេទនៃអាហារូបករណ៍៖ ១. ៧០% សម្រាប់បេក្ខជនដែលមានសញ្ញាប័ត្រមធ្យមសិក្សាទុតិយភូមិ ទទួលបាននិទ្ទេសសរុប និងនិទ្ទេសមុខវិជ្ជាគណិតវិទ្យា ចាប់ពី កម្រិត C និងតេស្ដភាសាអង់គ្លេសទទួលបានពិន្ទុសរុប៦.០ ២. ៦៥% សម្រាប់បេក្ខជនដែលមានសញ្ញាប័ត្រមធ្យមសិក្សាទុតិយភូមិ ទទួលបាននិទ្ទេសសរុប និងនិទ្ទេសមុខវិជ្ជាគណិតវិទ្យា ចាប់ពី កម្រិត C និងតេស្ដភាសាអង់គ្លេសទទួលបានពិន្ទុសរុប៥.៥ ៣. ៦០% សម្រាប់បេក្ខជនដែលមានសញ្ញាប័ត្រមធ្យមសិក្សាទុតិយភូមិ ទទួលបាននិទ្ទេសសរុប និងនិទ្ទេសមុខវិជ្ជាគណិតវិទ្យា ចាប់ពី កម្រិត C និងតេស្ដភាសាអង់គ្លេសទទួលបានពិន្ទុសរុប៥.០ បញ្ជាក់៖ ការប្រឡងនឹងរៀបចំនៅថ្ងៃទី១១ ខែកក្កដា ឆ្នាំ២០១៦ នៅភ្នំពេញ ដោយវិទ្យាស្ថានផ្ទាល់
លក្ខខណ្ឌដាក់ពាក្យ៖ ១. មានសញ្ជាតិខ្មែរ ២. មានពិន្ទុជាមធ្យមកម្រិតល្អ ឬ C នៅក្នុងសញ្ញាប័ត្រមធ្យមសិក្សាទុតិយភូមិ ៣. មានចំណេះដឹងភាសាអង់គ្លេសជ្រៅជ្រះ
ការដាក់ពាក្យ និងកាលបរិច្ឆេទឈប់ទទួលពាក្យ៖ ទទួលពាក្យចាប់ពីថ្ងៃនេះតទៅ រហូតដល់ថ្ងៃទី១០ ខែមិថុនា ឆ្នាំ២០១៦ នៅ នាយកដ្ឋានទំនាក់ទំនងវប្បធម៌ និងអាហារូបករណ៍ ដែលមានអាគារលេខ២៣ ផ្លូវលេខ៣៦០ សង្កាត់បឹងកេងកេង១ ខណ្ឌចំការមន (ខាងកើតស្ថានីយទូរទស្សន៍អប្សរាប្រហែល ៥០ម៉ែត្រ)។ សម្រាប់ព័ត៌មានបន្ថែម៖ ០២៣ ៧២ ៤៨ ៧៤ ឬ សារអេឡិចត្រូនិករបស់វិទ្យាស្ថាន weekiat_foo@easb.edu.sg៕