ចំណងស្នេហ៍៦ឆ្នាំរបស់ Demi Lovato និងមិត្តប្រុស ដើរដល់ផ្លូវបំបែក

2016-06-04 19:10:30
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងអាមេរិក Demi Lovato និងតារាសម្ដែងWilmer Valderrama បានចែកផ្លូវគ្នាហើយ បន្ទាប់ពីក្លាយជាគូស្នេហ៍នឹងគ្នា៦ឆ្នាំ។

តារាចម្រៀងវ័យ ២៣ឆ្នាំនិងតារាសម្ដែង ៣៦ឆ្នាំបានបង្ហោះសារលើបណ្ដាញសង្គមទាំងពីររូប ដោយនិយាយថាការបញ្ចប់ទំនាក់ទំនងស្នេហានេះដោយសារពួកគេគិតថាធ្វើជា “មិត្តល្អ” នឹងគ្នាប្រសើរជាង៖ “បន្ទាប់ពី៦ឆ្នាំពោរពេញដោយក្ដីស្រឡាញ់និងអស្ចារ្យជាមួយគ្នា ពួកយើងបានសម្រេចចិត្តបញ្ចប់ស្នេហាមួយនេះ។ នេះគឺជាការសម្រេចចិត្តដ៏ពិបាកបំផុតសម្រាប់ពួកយើងទាំងពីរ ប៉ុន្តែអ្វីដែលពួកយើងដឹងច្បាស់បំផុត គឺថាយើងទាំងពីរធ្វើជាមិត្តល្អនឹងគ្នាប្រសើរជាង។ ពួកយើងនឹងនៅតែគាំទ្រ លើកទឹកចិត្តគ្នាជានិច្ច។ អរគុណអ្នកគ្រប់គ្នាដែលតែងតែផ្ដល់ទឹកចិត្តនិងការគាំទ្ររយៈពេល៦ឆ្នាំមកនេះ"។

គូស្នេហ៍មួយគូនេះបានធ្វើឲ្យមហាជនភ្ញាក់ផ្អើលនៅពេលពួកគេចាប់ផ្ដើមស្រឡាញ់គ្នាដោយសារគម្លាតអាយុខុសគ្នាដល់ទៅ១៣ឆ្នាំ ដែលកាលនោះ ម្ចាស់បទ “Heart Attack” មានវ័យត្រឹមតែ១៨ឆ្នាំប៉ុណ្ណោះ។ Demi ធ្លាប់បានសរសើរមិត្តប្រុសរបស់ខ្លួនថា ជាអ្នកដែលតែងតែជួយលើកទឹកចិត្តគ្រប់ពេលវេលា អំឡុងពេលនាងទទួលការព្យាបាលបញ្ហាញៀនថ្នាំនៅមណ្ឌលអប់រំកែប្រែ ៕