ឆ្មាចាស់បំផុត អាចបំបែកកំណត់ត្រាពិភពលោក តែម្ចាស់បដិសេធ
- 2016-06-08 16:34:52
- ចំនួនមតិ 0 | ចំនួនចែករំលែក 0
ឆ្មាចាស់បំផុត អាចបំបែកកំណត់ត្រាពិភពលោក តែម្ចាស់បដិសេធ
ចន្លោះមិនឃើញ
ស្ត្រីអង់គ្លេសម្នាក់បានអះអាងថាឆ្មាចិញ្ចឹមមួយក្បាលរបស់ខ្លួនថាជាឆ្មាអាយុចាស់ជាងគេបំផុតនិងអាយុបងឆ្មាកំណត់ត្រាចាស់ជាងគេលើពិភពលោកនៅសហរដ្ឋអាមេរិកទៅទៀត។ នេះបើតាមសារព័ត៌មាន Daily Mail។
អ្នកស្រី Michele Foster មកពីទីក្រុង Exeter នៃប្រទេសអង់គ្លេស បានឲ្យដឹងថាឆ្មាចិញ្ចឹមរបស់អ្នកស្រីឈ្មោះ Rubble មកទល់ពេលនេះមានអាយុ២៨ឆ្នាំហើយ។ អ្នកស្រី Fosterបន្ថែមថា អ្នកស្រីបានយកRubble មកចិញ្ចឹមតាំងពីនៅតូចក្នុងឆ្នាំ១៩៨៨។
ចំពោះឆ្មាគ្រងកំណត់ត្រាអាយុចាស់ជាងគេនៅលើពិភពលោកបច្ចុប្បន្នគឺ ឆ្មាឈ្មោះCorduroy មកពីសហរដ្ឋអាមេរិក កើតនៅឆ្នាំ១៩៨៩ ដោយត្រឹមពេលនេះមានអាយុ២៧ឆ្នាំហើយ។ ហេតុដូចនេះទើបអ្នកស្រី Foster បានអះអាងថា Rubble អាចបំបែកកំណត់ត្រា Corduroy។
យ៉ាងណាក្ដី ស្ត្រីអង់គ្លេសដែលស្រលាញ់ចិញ្ចឹមបីបាច់ឆ្មាដូចកូនបង្កើតរូបនេះ បានបដិសេធមិនចង់ឲ្យ Rubble ត្រូវបំពេញលក្ខខណ្ឌដើម្បីគ្រងតំណែងកំណត់ត្រាពិភពលោកនោះឡើយ។ ម្ចាស់ឆ្មារូបនេះនិយាយថា Rubble ចូលចិត្តដេកច្រើន ស៊ីច្រើន និងដើរលេងតាមធម្មតា ដូចនេះអ្នកស្រីមិនចង់ឲ្យ Rubbleក្លាយជាឆ្មាល្បីនិងមានមនុស្សជាច្រើនចង់ជួបវានោះទេ៕
ចុចអាន៖ នៅចិនមានធានារ៉ាប់រងឆ្កែឆ្មាទៀត?
ប្រែសម្រួល៖ មាន រតនា ប្រភព៖ dailymail