នៅចិនមានធានារ៉ាប់រងឆ្កែឆ្មាទៀត?

2014-09-18 17:01:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ចិនគឺជាប្រទេសមួយដែលពោរពេញទៅដោយរឿងរ៉ាវប្លែកៗជាច្រើន ដោយសារប្រជាជនដ៏ច្រើនជាងគេក្នុងលោកនៃប្រទេសយក្សអាស៊ីមួយនេះ។ កាលពីប៉ុន្មានខែមុន ក្រុមហ៊ុនធានារ៉ាប់រងនៅចិនបានបើកសេវាធានារ៉ាប់រងប្លែកៗ ដូចជាធានារ៉ាប់រងអាពាហ៍ពិពាហ៍ និងសេវាធានារ៉ាប់រងពេលស្រវឹងជាដើម។ ពេលនេះរឹតតែប្លែកទៀតហើយ សេវាធានារ៉ាប់រងលើសត្វឆ្កែនិងឆ្មា បានដាក់ឲ្យដំណើរការ។

ចុចអាន៖ លោកតាវ័យ៧០ឆ្នាំដើរសុំទានផ្គត់ផ្គង់គ្រួសារផ្អើលអ៊ីនធឺណិត

ចុចអាន៖ ជាង១ម៉ឺននាក់លាងជើងបំបែកកំណត់ត្រាពិភពលោកនៅចិន

ក្រុមហ៊ុនធានារ៉ាប់រងប្រជាជននៃប្រទេសចិន ដែលជាក្រុមហ៊ុនធំមួយ បានបើកសេវាកម្មធានារ៉ាប់រងលើសត្វចិញ្ចឹមដំបូងគេបំផុតក្នុងប្រទេស។ សេវាកម្មនេះធ្វើឡើងតែចំពោះប្រភេទឆ្កែនិងឆ្មាប៉ុណ្ណោះ។ ក្រុមហ៊ុននឹងផ្ដល់ការថែទាំសុខភាពសត្វទាំងពីរប្រភេទនេះ ក្នុងតម្លៃពីជាង ៨០០ដុល្លារ ទៅជាង ៨០០០ដុល្លារក្នុងមួយឆ្នាំ។ ចំណែកតម្លៃដែលម្ចាស់សត្វត្រូវបង់វិញ មានចន្លោះពី ៧៣ដុល្លារ ដល់ ៥៧០ដុល្លារ។

សេវាកម្មនេះ ក្រុមហ៊ុននឹងអនុវត្តនៅតាមពេទ្យសត្វប្រមាណ ៥០០ និងហាងសត្វចិញ្ចឹម ៥០០០ កន្លែងទូទាំងប្រទេស។ សមាគមកសិកម្មសត្វចិន បានបញ្ជាក់ថា រហូតមកទល់ពេលនេះមានឆ្កែសរុបជាង ២០ លានក្បាលហើយ ដែលម្ចាស់ចុះឈ្មោះទទួលយកសេវាកម្មធានារ៉ាប់រងនេះ៕

ចុចអាន៖ តារាសិចជប៉ុនលេចមុខលើក្របសៀវភៅគណិតវិទ្យានៅថៃ