ណូម័រ ត្រៀមធ្វើជំនួញតាមOnline ដែរ

2014-10-29 17:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា ណូម័រ ដែលជាសមាជិកក្រុម Girl MiNi បានត្រៀមខ្លួនធ្វើជំនួញតាមOnline ជាថ្មីម្ដងទៀត ខណៈមុខរបរបែបនេះ កំពុងក្លាយជាទីចាប់អារម្មណ៍សម្រាប់មនុស្សភាគច្រើន ដោយទទួលបានកម្រៃក្រាស់ក្រែលទៀតផង។

ពិធីការិនីថ្មីថ្មោងរូបនេះបានប្រាប់Sabayថា៖" ខ្ញុំគ្រាន់តែលក់សំលៀកបំពាក់ស្រីៗតាមOnlineប៉ុណ្ណោះ មិនមែនជាជំនួញលក្ខណៈបណ្ដាញ ដូចគេផ្សាយកន្លងមកទេ ព្រោះជាការដោះដូរទំនិញធម្មតាប៉ុណ្ណោះ"។

អាម័រ បានបន្ថែមថា ដំបូងឡើយនាងត្រូវធ្វើដំណើរទៅកាន់ប្រទេសថៃ ឬចិន ដើម្បីកុម្ម៉ង់សំលៀកបំពាក់ពីទីនោះមកលក់នៅកម្ពុជា។ បន្ទាប់មកត្រូវដាក់ផ្សព្វផ្សាយតាមបណ្ដាញសង្គម Facebook របស់នាង អាចនិយាយបានថា ជាការតាំងបង្ហាញដល់អ្នកគាំទ្រ និងមិត្តភ័ក្ដិទាំងអស់បានឃើញនូវផលិតផលនាំចូលមក និងផ្ដល់មធ្យោបាយដើម្បីទាក់ទងទិញជាក្រោយ។

“បើមានមិត្តភក្ដិណាគាត់ចង់ទិញ យើងផ្ដល់លេខទំនាក់ទំនង និងមានអ្នកដឹកយកទៅឲ្យពូកគាត់ អីអញ្ចឹងទៅ"។ ណូម័រ បញ្ជាក់យ៉ាងដូច្នេះ។

តួខ្មោចក្នុងរឿង"ក្រឡអីហ្នឹង" វគ្គ២ខាងលើរំលឹកថា ពីមុននាងក៏ធ្លាប់រកស៊ីបែបហ្នឹងដែរ តែផ្អាកទៅវិញ បន្ទាប់បានឈានជើងចូលសិល្បៈ និងមានការមមាញឹកក្នុងវិស័យនេះ ដោយគ្មានពេលអង្គុយផ្សព្វផ្សាយពីទំនិញ ឬដឹកជញ្ជួនឲ្យអតិថិជនដូចពីមុន ទើបសម្រេចចិត្តទាំងផុយស្រួយផ្អាកបណ្ដោះអាសន្ន និងឈានជើងកាន់តែជ្រៅក្នុងវិស័យសិល្បៈ។

ទោះបីជាយ៉ាងណា តារាស្រីរូបនេះ បានបង្ហាញសុទិដ្ឋិនិយមយ៉ាងដូច្នេះថា នឹងព្យាយាមធ្វើយ៉ាងណា ដើម្បីក្រសោបការគាំទ្រជាថ្មីក្នុងអាជីព ស្របពេលដែលមានការជួយជ្រោមជ្រែងពីបងប្អូនផងដែរនោះ៕

អានអត្ថបទ៖ ដាលីស ចង់ថតកុន ប៉ុណ្ណឹងទៅរួចអត់?

អត្ថបទ៖ សំ ជំនាញ