ក្មេងស្រីពីរឆ្នាំរបួសជើងគួរឲ្យខ្លាចក្រោយពាក់ស្បែកជើងជ័រម្យ៉ាង
- 2016-06-08 18:05:02
- ចំនួនមតិ 0 | ចំនួនចែករំលែក 0
ក្មេងស្រីពីរឆ្នាំរបួសជើងគួរឲ្យខ្លាចក្រោយពាក់ស្បែកជើងជ័រម្យ៉ាង
ចន្លោះមិនឃើញ
ឪពុកម្ដាយជនជាតិអង់គ្លេសមួយគូថ្មីៗនេះមានការភ្ញាក់ផ្អើលខ្លាំងបន្ទាប់ពីឃើញស្បែកជើងដែលបានពាក់ឲ្យកូនស្រីអាយុពីរឆ្នាំរបស់ខ្លួនបង្កឲ្យដាច់រលាត់ជើងរហូតចេញឈាម។
តាមសារព័ត៌មាន Daily Mail អ្នកស្រី Lisa ដែលជាម្ដាយក្មេងស្រី Esmé Connor បានឲ្យដឹងថា អ្នកស្រីនិងស្វាមីបានទទួលកាដូជាស្បែកជើងជ័រសង្រែកមួយគូពីមិត្តភ័ក្ដិសម្រាប់ជាអំណោយក្នុងថ្ងៃខួបកំណើតរបស់ Esmé ។ អ្នកស្រីបន្ថែមទៀតថា ពេលទទួលកាដូអ្នកស្រីក៏បានឲ្យកូនស្រីលភ្លាមៗដែរ ដោយឃើញថាល្មមអាចពាក់បាន។
ក្រោយពេលចប់កម្មវិធីខួបកំណើត អ្នកស្រី Lisa បានឲ្យ Esmé ពាក់ស្បែកជើងជ័រសង្រែកនោះដើរទៅលេងក្នុងសួនច្បារ។ អ្នកស្រីបានសម្គាល់ថា កូនស្រីរបស់ខ្លួនមានអារម្មណ៍មិនស្រួល ហើយកន្លះម៉ោងក្រោយមកស្រាប់តែជើង Esmé មានស្នាមស្បែកជើងនិងរលាត់ជើងដាច់ចេញឈាម។
ក្រោយមានបញ្ហានេះ អ្នកស្រី Lisa បានទាក់ទងនិងដោះស្រាយជាមួយខាងក្រុមហ៊ុនលក់ស្បែកជើងខាងលើនោះ។ ជាមួយគ្នានោះអ្នកស្រី បានថតរូបស្បែកជើងដែលពាក់ឲ្យកូនស្រី បង្ហោះលើបណ្ដាញទំនាក់ទំនងសង្គមជាសារប្រាប់ដល់ឪពុកម្ដាយដទៃទៀតឲ្យបានដឹងពីបញ្ហានោះ។
រូបថតទាំងនោះបានធ្វើឲ្យមនុស្សជាច្រើនភ្ញាក់ផ្អើលនិងចែកចាយតៗគ្នាជាច្រើន៕
ចុចអាន៖ ចិនដាក់ឲ្យប្រើផ្លូវថ្មើរជើងសម្រាប់អ្នកប្រើ Smartphone ដំបូងគេក្នុងលោក
ប្រែសម្រួល៖ មាន រតនា ប្រភព៖ daiymail