ចិនដាក់ឲ្យប្រើផ្លូវថ្មើរជើងសម្រាប់អ្នកប្រើ Smartphone ដំបូងគេក្នុងលោក
- 2014-09-15 16:27:20
- ចំនួនមតិ 0 | ចំនួនចែករំលែក 0
ចិនដាក់ឲ្យប្រើផ្លូវថ្មើរជើងសម្រាប់អ្នកប្រើ Smartphone ដំបូងគេក្នុងលោក
ចន្លោះមិនឃើញ
ផ្លូវថ្មើរជើងសម្រាប់អ្នកប្រើ Smartphone ដំបូងគេត្រូវបានដាក់ឲ្យប្រើប្រាស់នៅចិន ជាជំហានដើម្បីក្រើនរំលឹកដល់អ្នកងប់ងុលនឹងទូរសព្ទ។
ផ្លូវថ្មីនេះស្ថិតក្នុងតំបន់ទីប្រជុំជន Yangrenjie ក្នុងទីក្រុង Chongqing ដោយមានទទឹង ៣ ម៉ែត្រ និងប្រវែង ៥០ ម៉ែត្រ។ អ្នកធ្វើដំណើរដោយថ្មើរជើងអាចមើលឃើញផ្លូវពីរបែងចែកគ្នាដាច់គឺមួយសម្រាប់អ្នកមិនប្រើ Smartphone និងមួយទៀតសម្រាប់អ្នកប្រើ។ ផ្លូវសម្រាប់អ្នកប្រើប្រាស់ Smartphone មានរូបសញ្ញាទូរសព្ទមួយអមដោយឃ្លាថា "អ្នកប្រើទូរសព្ទសូមដើរលើផ្លូវនេះ និងប្រឈមគ្រោះថ្នាក់ដោយខ្លួនឯង"។
ផ្លូវថ្មីបានទាក់ទាញទេសចរក្នុងស្រុក និងក្រៅស្រុកមកចោមរោមថតរូបជាខ្លាំង។ បើទោះជាមានការបែងចែកច្បាស់លាស់បែបនេះក៏ប្រជាជនក្នុងតំបន់មិនសូវគោរពជាប់លាប់ប៉ុន្មានទេ រហូតមានអ្នកខ្លះចតឡានលើផ្លូវដើរនោះក៏មាន។
ប្រជាប្រិយភាព Smartphone ទំនើបៗធ្វើឲ្យមនុស្សវ័យក្មេងក្នុងប្រទេសចិនបាក់ប្រើប្រាស់កាន់តែច្រើនឡើងគួរឲ្យកត់សម្គាល់ ដែលការណ៍នេះបានធ្វើឲ្យអ្នកជំនាញជាច្រើនមានក្ដីបារម្ភជាខ្លាំងចំពោះផលប៉ះពាល់របស់និន្នការថ្មីមកលើសុខភាព ក៏ដូចជាការរស់នៅ។ តាមការវាយតម្លៃចំនួនអ្នកប្រើប្រាស់ Smartphone ក្នុងប្រទេសចិននៅឆ្នាំនេះនឹងកើនលើស ៥០០ លាននាក់។
យល់យ៉ាងណាចំពោះចំណាត់ការថ្មីនេះ?
ប្រែសម្រួល៖ សីហា ប្រភព៖ iclarified
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
