រុស្ស៊ីប្រកាសថា E-Sports ជាកីឡាពិតប្រាកដ ខណៈត្រៀមខ្លួនធ្វើម្ចាស់ផ្ទះអូឡាំពិក២០២០
- 2016-06-10 21:09:52
- ចំនួនមតិ 0 | ចំនួនចែករំលែក 0
រុស្ស៊ីប្រកាសថា E-Sports ជាកីឡាពិតប្រាកដ ខណៈត្រៀមខ្លួនធ្វើម្ចាស់ផ្ទះអូឡាំពិក២០២០
ចន្លោះមិនឃើញ
ប្រទេសរុស្ស៊ីកាលពីពេលថ្មីៗនេះបានបញ្ជាក់ថា កីឡាអេឡិចត្រូនិក ឬ E-Sports ជាកីឡាពិតប្រាកដមួយ។ ការសម្រេចរបស់ប្រទេសរុស្ស៊ីនេះធ្វើឡើងដើម្បីឆ្ពោះទៅរកការបញ្ចូលជាកីឡាមួយប្រភេទក្នុងព្រឹត្តិការណ៍កីឡាអូឡាំពិកឆ្នាំ២០២០ដែលប្រទេសនេះធ្វើជាម្ចាស់ផ្ទះ។
ក្រសួងកីឡារបស់ប្រទេសរុស្ស៊ីបានប្រកាសទទួលស្គាល់ផ្លូវការចំពោះកីឡាអេឡិចត្រូនិក (E-Sport)ជាកីឡាពិតប្រាកដមួយ។ ការសម្រេចនេះនឹងចូលជាធរមាននៅថ្ងៃទី១៨ ខែកក្កដា ឆ្នាំ២០១៦។ កីឡា E-Sports នេះឥឡូវត្រូវបានអភិវឌ្ឍន៍ និងគ្រប់គ្រងដោយរដ្ឋាភិបាលសហព័ន្ធរុស្ស៊ី។
អ្វីដែលគួរឲ្យចាប់អារម្មណ៍នោះ ការប្រកាសថា E-Sports ជាកីឡាពិតប្រាកដមួយរបស់ប្រទេសរុស្ស៊ីគឺស្របពេលដែលប្រទេសមួយនេះទទួលសិទ្ធិធ្វើជាម្ចាស់ផ្ទះនៃព្រឹត្តិការណ៍កីឡាអូឡាំពិកឆ្នាំ២០២០។ ប្រការនេះច្បាស់ណាស់ថា ប្រទេសរុស្ស៊ីអាចនឹងដាក់កីឡាអេឡិចត្រូនិកជាកីឡាមួយប្រភេទក្នុងព្រឹត្តិការណ៍អូឡាំពិកដែលខ្លួនធ្វើម្ចាស់ផ្ទះ។
កាលពីថ្ងៃទី២០ ខែមេសា ឆ្នាំ២០១៦កន្លងទៅនេះ គណៈកម្មាធិការអូឡាំពិកអន្តរជាតិបានបង្ហាញផ្លូវដល់សហព័ន្ធកីឡាអេឡិចត្រូនិកអន្តរជាតិ (International eSports Federation)សម្រាប់ដំណើរឆ្ពោះទៅរកការដាក់បញ្ចូល eSports ចូលទៅក្នុងព្រឹត្តិការណ៍កីឡាអូឡាំពិកនាពេលអនាគត។
ប្រែសម្រួល៖ ជាន ចាន់រ៉ា ប្រភព៖ meduza