បេក្ខនារី១៨ឆ្នាំកៅឆាយប៊ូតុងមាស Thailand's Got Talent ព្រោះច្រៀងនិងរ៉េបល្អឥតខ្ចោះ
- 2016-06-14 13:15:32
- ចំនួនមតិ 0 | ចំនួនចែករំលែក 0
បេក្ខនារី១៨ឆ្នាំកៅឆាយប៊ូតុងមាស Thailand's Got Talent ព្រោះច្រៀងនិងរ៉េបល្អឥតខ្ចោះ
ចន្លោះមិនឃើញ
កម្មវិធីប្រឡងសមត្ថភាពចម្រុះ Thailand's Got Talent បានចាប់ផ្ដើមរដូវកាលទី៦ កាលពីថ្ងៃអាទិត្យម្សិលម្ង៉ៃ ខណៈបេក្ខនារីម្នាក់ទទួលបានប៊ូតុងមាសមុនគេ ដោយសារសមត្ថភាពពិសេសអាចច្រៀងនិងរ៉េបបទរបស់ Eminem បានយ៉ាងល្អ។
បេក្ខនារី Nintendo Alisa អាយុ១៨ឆ្នាំបានលើកយកបទ "Love The Way You Lie” របស់ Eminemច្រៀងរួមជាមួយRihanna មកប្រឡង។ ចាប់ផ្ដើមបើកក្បាលបង្ហើរសំនៀង Alisaបានធ្វើឲ្យទស្សនិកជនស្រែហ៊ោកងរំពង។ លុះដល់ចំណុចរ៉េប គណៈកម្មការទាំង៤ Chalatit Tantiwut , Patcharasri Benjamas , Pornchita na Songkhla និងNitipong Hornak បើកភ្នែកធំៗ ចំហមាត់ និងញញឹមខ្ជឹប ព្រោះ តែសមត្ថភាពការ៉េបរបស់ Alisa ល្អសឹងមិនជឿ។
ក្រោយចប់ការច្រៀងគណៈកម្មការនីមួយៗបាននិយាយសរសើរចំពោះសមត្ថភាពរបស់ Alisa។ ដល់វេនគណៈកម្មការ Nitipong ក៏បាននិយាយពាក្យជាច្រើនម៉ាត់គួរសម ហើយក៏ដើរទៅចុចប៊ូតុងមាសធ្វើឲ្យបេក្ខនារីរំភើបដល់ថ្នាក់ហូរទឹកភ្នែក។ នេះអាទិភាពមួយជួយឲ្យ Alisaបានទៅកាន់វគ្គ Semi-Finalដោយស្វ័យប្រវត្តិ៕
ចុចអាន៖១២ឆ្នាំច្រៀងពីរោះហើយចេះនិពន្ធបទខ្លួនឯង Simon Cowell ទាយថាជា Taylor Swift ទីពីរ
ប្រែសម្រួល៖ ហេង សុធារិទ្ធិ ប្រភព៖ sanook