Facebook ប្លុកចោលមួយ ហ៊ានបង្ហោះរូបពាក់មុខសត្វឆ្កែជាសាធារណៈ
- 2016-06-21 16:30:41
- ចំនួនមតិ 0 | ចំនួនចែករំលែក 0
Facebook ប្លុកចោលមួយ ហ៊ានបង្ហោះរូបពាក់មុខសត្វឆ្កែជាសាធារណៈ
ចន្លោះមិនឃើញ
អ្នកប្រើប្រាស់ Facebook មួយរូបដែលជាឌីជេស្រីសញ្ជាតិសិង្ហបុរីមានការភ្ញាក់ផ្អើលខ្លាំង ពេលដែលឃើញ Notification មួយប្រាប់ថាគណនីរបស់នាងត្រូវប្លុករយៈពេលមួយសប្ដាហ៍។
នេះជាលើកទីបីហើយដែលគណនីរបស់នាងត្រូវ Facebook ប្លុកមិនឲ្យដំណើរការ ហើយមូលហេតុពីក្រោយការប្លុកនេះនៅមិនទាន់រកឃើញនៅឡើយ។ យ៉ាងណាក្ដីឌីជេស្រីនេះកត់សម្គាល់ឃើញចំណុចដូចគ្នាមួយ គឺរូបភាពដែល Facebook បានលុបចេញពីគណនីនាង សុទ្ធសឹងជារូបដែលបានប្រើ Filter រូបឆ្កែរបស់កម្មវិធី Snapchat។
ចំពោះរូបភាពដំបូង នាងយល់ថាប្រហែលជាបញ្ចេញល្វែងក្រោមខ្លាំងពេកទើប Facebook លុបចេញ បន្ទាប់នាងបានកាត់ល្វែងក្រោមចេញទុកតែផ្នែកផ្ទៃមុខ ប៉ុន្តែនៅតែជួបបញ្ហាដដែល។ ដោយសារមិនអស់ចិត្តនាងបានឆែកព័ត៌មានលម្អិតលើ Google ពីបញ្ហានេះ ក្រោយមកក៏បានដឹងថាមានអ្នកប្រើប្រាស់មួយចំនួនជួបប្រទះបញ្ហាដូចជានាងដែរ។
ជាចុងក្រោយឌីជេស្រីស្អាតនេះបានដាស់តឿនដល់អ្នកប្រើប្រាស់ថាមិនគួរបង្ហោះរូបដែលប្រើ Filter រូបឆ្កែជាសាធារណៈលើគណនីឡើយ បើមិនដូច្នេះទេអាចនឹងត្រូវ Facebook ប្លុកគណនីចោល៕
ចុចអាន៖ គ្រួសារជនរងគ្រោះក្នុងការវាយប្រហារនៅប៉ារីស ដាក់ពាក្យប្ដឹង Facebook
ប្រែសម្រួល៖ ហៃ សុខហេង ប្រភព៖ singaporeseen.stomp