បុរសអត់គូកាន់តែច្រើននៅចិន យកតុក្កតាសិចទុកជាដៃគូជីវិត ឬកូនស្រី
- 2016-06-21 22:03:51
- ចំនួនមតិ 0 | ចំនួនចែករំលែក 0
បុរសអត់គូកាន់តែច្រើននៅចិន យកតុក្កតាសិចទុកជាដៃគូជីវិត ឬកូនស្រី
ចន្លោះមិនឃើញ
បុរសៗក្នុងប្រទេសចិនកាន់តែច្រើនឡើងបានទិញយកតុក្កតាប្លាស្ទិកសិច មករួមរស់នៅមួយដោយចាត់ទុកជាកូន ឬជាដៃគូជីវិត។ នេះបើយោងតាមសារព័ត៌មានចិន People's Daily។
តុក្កតាប្លាស្ទិករូបរាងមនុស្សស្រីបានធ្វើឲ្យបុរសចិនជាច្រើនប្រែប្រួល និងបង្ហាញអាកប្បកិរិយាប្លែកៗ។ គេសង្កេតឃើញបុរសចិនមួយចំនួនបាននាំតុក្កតាដើរលេងពេញទីក្រុង តាមសួន ឬតាមរោងកុននានាប្រៀបដូចជាមនុស្សមានជីវិត។
ជាតួយ៉ាង តាមការឲ្យដឹងពីបុរសម្នាក់ឈ្មោះ Song Bo បានឲ្យដឹងថា លោកបានចាត់ទុកតុក្កតាខាងលើប្រៀបដូចជាកូនស្រីរបស់ខ្លួន។ អ្វីដែលនាំឲ្យបុរសវ័យ២៩ឆ្នាំធ្វើបែបនោះ ព្រោះតែជំងឺប្រចាំកាយដែលលោកមិនចង់ប្រថុយរៀបការជាមួយនារីណាម្នាក់ឬមានកូននោះឡើយ។
ចំណែកបុរសវ័យ៣៦ឆ្នាំជាអ្នកជំនាញផ្នែកហិរញ្ញវត្ថុម្នាក់ឈ្មោះ Zhang Fan បានឲ្យដឹងថា លោកចាត់ទុកតុក្កតានោះជាដៃគូស្រីម្នាក់។ រៀងរាល់ថ្ងៃលោកតែងស្លៀកពាក់ឲ្យតុក្កតា នាំតុក្កតាដើរចេញទៅលេងនៅខាងក្រៅ លើសពីនោះលោកតែងតែទិញគ្រឿងអលង្ការនិងសំលៀកបំពាក់ជាច្រើនសម្រាប់ដៃគូរបស់លោកផងដែរ។
ដោយឡែកបុរសអាយុ៥៨ឆ្នាំឈ្មោះ Li Chen បាននិយាយថា បន្ទាប់ពីលោកបានលែងលះជាមួយអតីតភរិយា លោកបានទិញយកតុក្កតានោះមកនៅជាមួយប្រៀបដូចជាដៃគូជីវិតរបស់លោក។
តាមការចុះផ្សាយរបស់សារព័ត៌មាន Japan Times ទីផ្សារជួញដូរតុក្កតាសិចក្នុងមួយឆ្នាំៗនៅប្រទេសចិនមានទំហំទឹកប្រាក់រហូតដល់ ១០០ពាន់លានយាន់ក្នុងមួយឆ្នាំឬ ប្រហែល១៤ពាន់លានដុល្លារក្នុងមួយឆ្នាំៗ៕
ចុចអាន៖ តារា KPOP ១០រូបមានមុខ Cute ដូចកូនក្រមុំតុក្កតា
ប្រែសម្រួល៖ មាន រតនា ប្រភព៖ dailymail