៥សន្លឹកពីលើភ្នំបូកគោ បង្ហាញសម្រស់ធម្មជាតិខេត្តកំពតនារដូវវស្សា
- 2016-06-22 13:05:24
- ចំនួនមតិ 0 | ចំនួនចែករំលែក 0
៥សន្លឹកពីលើភ្នំបូកគោ បង្ហាញសម្រស់ធម្មជាតិខេត្តកំពតនារដូវវស្សា
ចន្លោះមិនឃើញ
បន្ទាប់ពីរដូវប្រាំងបានអូសបន្លាយពេលយ៉ាងយូរអស់ជាច្រើនខែមក ធម្មជាតិ មនុស្ស សត្វ បានរអ៊ូរទាំពីការកើនឡើងកម្ដៅខុសធម្មតាក្នុងឆ្នាំនេះ។ ទោះជាយ៉ាងណា រដូវវស្សាក៏មិនបណ្តែតបណ្ដោយឲ្យរដូវប្រាំង សំញែងខ្លួនហួសប្រមាណនោះឡើយ ត្បិតកម្ដៅលើផែនដីបន្តកើនឡើងឥតឈប់ឈរនាពេលបច្ចុប្បន្ន។
រូបភាព ៥សន្លឹកដែលក្រុមការងារ Sabay បានផ្ដិតយកពីសម្រស់ធម្មជាតិនៃខេត្តកំពត បានបង្ហាញថា ទោះជាព្រះអាទិត្យខំបញ្ចេញកម្ដៅរបស់ខ្លួនរាប់សិបអង្សាមកលើដែនដីសុវណ្ណភូមិមួយនេះក្ដី ភ្លៀងជាច្រើនមេដែលបានធ្លាក់គ្របដណ្ដប់ពេញផ្ទៃប្រទេស ជាអំណោយផលដល់គ្រប់មនុស្ស សត្វ និងធម្មជាតិបន្តរស់រានតាមផ្លូវជីវិតរបស់ខ្លួនយ៉ាងរីករាយ។
ពណ៌បៃតងខ្ចីនៃព្រៃប្រឹក្សា ទិដ្ឋភាពសមុទ្រដ៏ធំល្វឹងល្វើយ កោះតូចកោះធំនៅពីមុខឆ្នេរខេត្តកំពត បានធ្វើឲ្យអ្នកដែលមានអារម្មណ៍តប់ប្រមល់ រសាយតាមវាយោរសាត់ទៅឆ្ងាយសែនឆ្ងាយមិនត្រឡប់វិញ៕
អត្ថបទ៖ អ៊ុក ជីនិត