អៀរឡង់ខាងជើង ក៏បានឡើងវគ្គ១៦ក្រុម ទោះចាញ់អាល្លឺម៉ង់ ១-០
- 2016-06-22 11:48:54
- ចំនួនមតិ 0 | ចំនួនចែករំលែក 0
អៀរឡង់ខាងជើង ក៏បានឡើងវគ្គ១៦ក្រុម ទោះចាញ់អាល្លឺម៉ង់ ១-០
ចន្លោះមិនឃើញ
ក្រុមជម្រើសជាតិអាល្លឺម៉ង់ បានយកឈ្នះលើអៀរឡង់ខាងជើង ១-០ ក្នុងការប្រកួតចុងក្រោយពូល C នៃពានរង្វាន់ Euro 2016 យប់មិញនេះ។
១គ្រាប់របស់អាល្លឺម៉ង់រកបានដោយខ្សែប្រយុទ្ធ Mario Gomez របស់ក្រុម Beşiktaş តាំងពីនាទីទី២៩។ លទ្ធផលនេះ បានជួយឲ្យម្ចាស់ជើងឯក World Cup 2014 អាល្លឺម៉ង់ មាន៧ពិន្ទុ នៅលើកំពូលតារាង ខណៈដែលអៀរឡង់ខាងជើងមាន៣ពិន្ទុ ស្ថិតនៅលេខ៣។ ប៉ុន្តែអៀរឡង់ខាងជើង ក៏បានឡើងទៅវគ្គ១៦ក្រុមដែរ ដោយសារពួកគេជាប់ក្នុងចំណោមក្រុមល្អបំផុតទាំង៤ ដោយមានកំណត់ត្រាគ្រាប់ស៊ុត ល្អជាងក្រុមអាល់បានីនៅពូល A និងទួរគីនៅពូល D។
ចំណែកឯការប្រកួត១គូទៀតក្នុងពូល C នេះដែរ ប៉ូឡូញបានយកឈ្នះអ៊ុយក្រែន ១-០ ស៊ុតដោយខ្សែបម្រើ Jakub Blaszczykowski របស់ក្លឹប Borussia Dortmund នៅនាទី៥៤។ ជ័យជម្នះនេះ បានជួយឲ្យប៉ូឡូញ មាន៧ពិន្ទុស្មើអាល្លឺម៉ង់ ស្ថិតនៅចំណាត់ថ្នាក់លេខ២៕
ប្រែសម្រួល៖ វិន ជីវ័ន្ត ប្រភព៖ bbc
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
