ទឹកចិត្តឪពុកពិការ វារស្វែងរកកូនបាត់ខ្លួនពេញទីក្រុងជាង១៥ខែ

2016-06-22 16:19:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ឪពុកពិការជនជាតិចិនម្នាក់ បានធ្វើឲ្យគ្រប់គ្នាអាណិតអាសូរ និងកោតសរសើរយ៉ាងខ្លាំង ក្រោយសម្រេចចិត្តស្វែងរកកូនតែម្នាក់ឯងទាំងខ្លួនពិការពុំអាចដើរដូចមនុស្សធម្មតាបាន។

ឪពុករូបនេះមានឈ្មោះ Chen Shengkuan បានបាត់កូនប្រុសអស់រយៈពេលជាង ១៥ខែហើយ ដោយការស្វែងរកត្រូវលូន ឬវារកាត់ទីប្រជុំជនជាច្រើនកន្លែងក្នុងប្រទេសចិន។

លោក Shengkuan បានកើតជំងឺម្យ៉ាងដែលជើងទាំងពីរមិនអាចដើររួច ហើយបានត្រាច់ចរពីទីក្រុងមួយទៅទីក្រុងមួយ ដោយប្រើដៃទាំងពីរ នៅខេត្តក្វាងទុង ភាគខាងត្បូងចិន។

Shengkuan បានសង្ស័យកូនប្រុសខ្លួនបានបាត់ខ្លួនខណៈពេលកំពុងរត់លេងជាមួយបងប្អូនក្នុងភូមិ និងត្រូវគេចាប់ពង្រត់ រួចលក់ទៅឲ្យគ្រួសារដទៃ។ គាត់បន្តថា កូនរបស់គាត់បានបាត់ខ្លួនពេលមានអាយុទើប ២០ខែ និងបាត់ក្នុងភូមិ Wenxhang Xi ទីក្រុង Chengyue Town បើគិតពេលបច្ចុប្បន្នគេមានអាយុ ៣ឆ្នាំហើយ។

ចាប់តាំងពីថ្ងៃបាត់ខ្លួន គាត់បានចាកចេញពីភូមិទាំងខ្លួនពិការដើរជើងបួនជុំវិញខេត្តដ៏ធំខាងលើ និងទីក្រុងក្វាងចូវ ដោយមានកាន់រូបថត និងផ្ទាំងក្រដាសសរសេររៀបរាប់ពីកូនផង។

ប្រភពពីឪពុកបន្ថែមថា មកទល់ពេលនេះប៉ូលិសបានប្រមូលសំណាក DNA របស់គាត់ហើយ តែមិនទាន់រកឃើញនៅឡើយ ធ្វើឲ្យគាត់កាន់តែអស់សង្ឃឹមបន្ថែមទៀត៕