តោះ! ទៅមើលស្តាយផាត់មុខ-ច្នៃម៉ូដថ្មីៗនៅពិព័រណ៍សម្រស់២០១៦
- 2016-06-23 21:15:37
- ចំនួនមតិ 0 | ចំនួនចែករំលែក 0
តោះ! ទៅមើលស្តាយផាត់មុខ-ច្នៃម៉ូដថ្មីៗនៅពិព័រណ៍សម្រស់២០១៦
ចន្លោះមិនឃើញ
ឱកាសល្អសម្រាប់អ្នកដែលចូលចិត្តផាត់មុខនិងច្នៃម៉ូដស្តាយប្លែកៗទាន់សម័យ! មិត្តយុវវ័យនឹងអាចទស្សនាការបង្ហាញស្នាដៃផាត់មុខ ធ្វើសក់ពីហាងកែសម្ផស្សល្បីៗទាំង៥នៅក្នុងស្រុក នៅពិព័រណ៍សម្រស់២០១៦ ចាប់ពីថ្ងៃទី២១ ដល់២៤ កក្កដា នៅផ្សារទំនើបអ៊ីអនជាន់ផ្ទាល់ដី (Daylight and Lively Plaza) ដោយមានការបើកឲ្យចូលរួមដោយសេរី។
បន្ថែមពីលើស្នាដៃផាត់មុខ អ្នកចូលរួមក៏អាចទស្សនាការច្នៃម៉ូដសម្លៀកបំពាក់ប្លែកៗដែលច្នៃដោយអ្នកជំនាញខាងឌីហ្សាញលោក ឯម រៀម ក្រុមឡាឈូក រួមទាំងក្រុមនិស្សិតមកពីសាលាអន្តរជាតិរ៉ាហ្វល (Raffle International College) និងសាលាលីមកុកវីង (Limkokwing University of Creative Technology Cambodia)។
ក្រៅពីទស្សនីយភាពប្លែកៗ កញ្ញា Adda ក៏នឹងមានវត្តមានចូលរួមប្រគំតន្ដ្រីនៅពិព័រណ៍សម្រស់ផងដែរ។ ជាពិសេសនោះគ្រឿងសម្អាងល្បីៗជាច្រើនមុខនឹងមានដាក់លក់បញ្ចុះតម្លៃដ៏ច្រើនសន្ធឹកសន្ធាប់។
នេះជាលើកទីមួយហើយ ដែលពិព័រណ៍សម្រស់បង្កើតឡើងលើកដំបូងនៅកម្ពុជា ដើម្បីផ្ដល់ឱកាសដល់អ្នកលក់ផលិតផលថែរក្សាសម្រស់ឲ្យតាំងបង្ហាញផលិតផលរបស់ខ្លួន និងបង្កើនការលក់ ព្រមទាំងបង្កើតទំនាក់ទំនងល្អជាមួយនឹងអតិថិជន។
ពិព័រណ៍នេះត្រូវបានរៀបចំដោយក្រុមហ៊ុន 360 Ads & Events ដែលជាក្រុមហ៊ុនរៀបចំកម្មវិធីទូទៅដោយសហការជាមួយនឹងផ្សារទំនើបអ៊ីអន។
សម្រាប់ព័ត៌មានបន្ថែមសូមចូលទៅកាន់គេហទំព័រ www.beautyfairscambodia.com/ និងហ្វេសប៊ុក https://www.facebook.com/BeautyFairCambodia/?qsefr=1 ឬទូរស័ព្ទមកលេខ ០១២ ៣០២ ៣៨២/០៦៩ ២៥២ ៧១៥ ឬអ៊ីមែល 360ads.events@gmail.com៕
អត្ថបទៈ ដៃគូសហការ