តើមានអ្វីកើតឡើង ក្រោយចក្រភពអង់គ្លេសប្រជាមតិផ្ដាច់ចេញពីសហភាពអឺរ៉ុប?

2016-06-24 23:14:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ចក្រភពអង់គ្លេសបានធ្វើប្រជាមតិមិនធ្លាប់មានក្នុងប្រវត្តិសាស្ត្រនៅថ្ងៃនេះ ដើម្បីរកការគាំទ្រពីប្រជាជនដកខ្លួនចេញសហភាពអឺរ៉ុប ដែលចក្រភពមួយនេះបានចូលរួមអស់រយៈពេលជាច្រើនឆ្នាំមកហើយ។

នាយករដ្ឋមន្ត្រីអង់គ្លេស David Cameron (ឆ្វេង) និងប្រធានក្រុមប្រឹក្សាអឺរ៉ុបលោក Donald Tusk (ស្ដាំ)

លទ្ធផលបឋមត្រូវបានគេប្រកាសឲ្យដឹងថា មានអ្នកបោះឆ្នោតសរុបចំនួន ៣៣.៥៧៧.៣៤២នាក់ ព្រមចាកចេញ ១៧.៤១០.៧៤២នាក់ (៥១,៩%) ទល់នឹង ១៦.១៤១.២៤១នាក់ (៤៨,១%)ព្រមនៅបន្ត។ តើមានអ្វីកើតឡើងខ្លះ បន្ទាប់ពីចក្រភពមួយនេះសម្រេចបង្កើតឲ្យមានប្រជាមតិផ្ដាច់ខ្លួនចេញ? នាយករដ្ឋមន្ត្រីអង់គ្លេស David Cameron បានថ្លែងនៅពីមុខទីស្នាក់ការរដ្ឋាភិបាល 10 Downing Street ទទួលស្គាល់ពីភាពបរាជ័យរបស់ខ្លួន ដែលមិនអាចកៀរគររកសំឡេងគាំទ្រឲ្យនៅបន្តបាន។ លោកបានប្រកាសលាលែងពីដំណែងនាយករដ្ឋមន្ត្រីថ្ងៃនេះ ថែមទាំងសន្យានឹងបំពេញបំណងរបស់ប្រជាជនអង់គ្លេសដែលចង់បាន។ ឯលោក Boris Johnson អាចនឹងត្រូវតែងតាំងជានាយករដ្ឋមន្ត្រីអង់គ្លេសថ្មីនៅប៉ុន្មានសប្ដាហ៍ខាងមុខ។

ឯផ្នែកសេដ្ឋកិច្ច និងហិរញ្ញវត្ថុជាបញ្ហាប្រឈម ដែលរតនាគារ ធនាគារអង់គ្លេស (Bank of England) និងធនាគារកណ្ដាលអឺរ៉ុប ត្រូវដាក់ដំណើរការផែនការយថាភាព ដើម្បីរក្សាលំនឹងរូបិយប័ណ្ណ និងបញ្ចូលសាច់ប្រាក់ដ៏ច្រើនទៅក្នុងធនាគារ ដោយធានាប្រព័ន្ធធនាគារឲ្យនៅដំណើរការធម្មតា។

នៅថ្ងៃទី ២៨ និង២៩មិថុនា បណ្ដាក្រុមមេដឹកនាំអឺរ៉ុបនឹងបើកកិច្ចប្រជុំកំពូលនៅទីក្រុងប្រ៊ុចសែល ប្រទេសបែលហ្សិក ដោយពិភាក្សាលើបញ្ហាតែមួយគត់ គឺការចាកចេញរបស់ចក្រភពអង់គ្លេស។

ប្រធានគណៈកម្មការអឺរ៉ុបលោក Jean-Claude Juncker ធ្លាប់ព្រមានថាអ្នកចាកចេញនឹងមិនស្វាគមន៍តបវិញដោយភាពកក់ក្ដៅឡើយ ហើយសមាជិកណាមួយចាកចេញក៏ដោយ ក៏សមាជិក ២៧ប្រទេសទៀត នៅតែរួបរួមគ្នាជាគ្រួសារតែមួយក្រោមដំបូលសហភាពអ៊ឺរ៉ុប។

នៅថ្ងៃទី ៦កក្កដា រដ្ឋាភិបាលអង់គ្លេសនឹងបង្កើនកិច្ចការចរចាលើកិច្ចព្រមព្រៀងថ្មីជាមួយអឺរ៉ុប និងដំណោះស្រាយកិច្ចព្រមព្រៀងពាណិជ្ជកម្មទ្វេភាគីជាមួយបណ្ដាសមាជិកអឺរ៉ុបនានា។ បន្ថែមលើនេះ អង់គ្លេសនឹងត្រូវដោះស្រាយបញ្ហាជាច្រើនបន្តបន្ទាប់ទៀតនៅពេលខាងមុខ៕

ចុចអាន៖ ទីផ្សារពិភពលោកច្របូកច្របល់ ក្រោយអង់គ្លេសបោះឆ្នោតប្រជាមតិផ្ដាច់ខ្លួនពី EU

ប្រែសម្រួល៖ ឡេង ភារុណ ប្រភព៖ Dailymail

ពាក្យទាក់ទង

ព័ត៌មានសង្គមអន្តរជាតិ

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អត្ថបទថ្មី

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤

ធ្វើលិខិតថ្កោលទោសតាមអនឡាញដំណាក់កាលទី២ ចាប់ពីខែក្រោយ នឹងកាន់តែងាយស្រួលរហ័សជាងមុនទៀត

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម