ផឹកទឹកដោះគោច្រើន គ្មានប្រយោជន៍ ហើយបង្កគ្រោះថ្នាក់ដល់ជីវិត
- 2014-10-30 16:43:13
- ចំនួនមតិ 0 | ចំនួនចែករំលែក 0
ផឹកទឹកដោះគោច្រើន គ្មានប្រយោជន៍ ហើយបង្កគ្រោះថ្នាក់ដល់ជីវិត
ចន្លោះមិនឃើញ
អ្នកស្រាវជ្រាវបាននិយាយថា ការផឹកទឹកដោះគោច្រើនជាង ៣កែវក្នុងមួយថ្ងៃ ប្រហែលជាគ្មានប្រយោជន៍ចំពោះឆ្អឹងទេ ហើយថែមទាំងអាចធ្វើឲ្យអត្រាស្លាប់កើនឡើងខ្ពស់ទៀតផង។
ការសិក្សាស្រាវជ្រាវថ្មីមួយ បង្ហាញថាប្រភេទស្ករម្យ៉ាងដែលគេរកឃើញនៅក្នុងទឹកដោះគោ អាចបង្កើនកម្ដៅធ្វើឲ្យរលាកសរីរាង្គខាងក្នុង ដំណើរការផលិតអុកស៊ីហ្សែនមិនប្រក្រតី ដែលធ្វើឲ្យខូចកោសិកានានាក្នុងខ្លួន។ ទាំងនេះគឺជាលទ្ធផលដែលបានពីការធ្វើតេស្តឈាម និងទឹកនោម របស់អ្នកទទួលទានទឹកដោះគោច្រើន។
ស្ត្រីដែលផឹកទឹកដោះគោ លើសពី ៣កែវ (ជាមធ្យម ៦៨០មីលីលីត្រ) ក្នុងមួយថ្ងៃ មានអត្រាស្លាប់ជិត ២ដង លើសស្ត្រីដែលទទួលទានតិចជាងមួយកែវ (ប្រហែល ៦០មីលីលីត្រ) ក្នុងមួយថ្ងៃ។ ចំពោះបុរសដែលផឹកទឹកគោច្រើនក៏មានហានិភ័យនៃគ្រោះថ្នាក់ដល់អាយុជីវិតដែរ គ្រាន់តែតិចជាងស្ត្រី។
ក្រុមអ្នកស្រាវជ្រាវរបស់ប្រទេសស៊ុយអែត បាននិយាយថាការសិក្សានេះមិនទាន់បង្ហាញច្បាស់ពីផលប៉ះពាល់ និងគុណសម្បត្តិនៃការទទួលទានទឹកគោនៅឡើយទេ ហើយពូកគេត្រូវការពេលបន្ថែមទៀតដើម្បីកំណត់ឲ្យបានជាក់លាក់ ចំពោះបរិមាណទឹកដោះគោដែលត្រូវទទួលទានប្រចាំថ្ងៃដើម្បីប្រយោជន៍សុខភាព។
ទោះយ៉ាងណា លទ្ធផលនៃការស្រាវជ្រាវនេះ ហាក់ដូចជាផ្ទុយទៅនឹងការសិក្សានានា ដែលបង្ហាញពីគុណសម្បត្តិនៃទឹកដោះគោចំពោះរាងកាយ ដូចជាបង្កើនកាល់ស្យូមជំនួយការលូតលាស់ដល់ឆ្អឹង ជួយឲ្យស្បែកស្អាត និងការពារជំងឺគាំងបេះដូងជាដើម៕
ចុចអាន៖ អ្នកដាច់បាយច្រើនតែញ៉ាំស៊ុត តើញ៉ាំច្រើនប្រឈមជំងឺអ្វីខ្លះ?
ចុចអាន៖ ព័ត៌មានជាច្រើនទៀតទាក់ទង សុខភាព និងសម្រស់
ប្រែសម្រួល៖ គង់ វិសាល
ប្រភព៖ dailymail