ព័រទុយហ្គាល់ ទៅពាក់កណ្ដាលផ្ដាច់ព្រ័ត្រ ក្រោយឈ្នះប៉ូឡូញ បាល់ប៉េណាល់ទី
- 2016-07-01 12:07:52
- ចំនួនមតិ 0 | ចំនួនចែករំលែក 0
ព័រទុយហ្គាល់ ទៅពាក់កណ្ដាលផ្ដាច់ព្រ័ត្រ ក្រោយឈ្នះប៉ូឡូញ បាល់ប៉េណាល់ទី
ចន្លោះមិនឃើញ
ក្រុមបាល់ទាត់ជម្រើសជាតិព័រទុយហ្គាល់ក្លាយជាក្រុមដំបូងគេដែលកក់កៅអីវគ្គពាក់កណ្ដាលផ្ដាច់ព្រ័ត្រក្រោយពីយកឈ្នះជម្រើសជាតិប៉ូឡូញដោយការទាត់បាល់ប៉េណាល់ទីកាត់សេចក្ដី។
បើកការប្រកួតបានតែ២នាទីខ្សែប្រយុទ្ធ Lewandowski ស៊ុតបញ្ចូលទីនាំមុខបាន១គ្រាប់ មុនពេលកីឡាករ Renato Sanches របស់ព័រទុយហ្គាល់តាមស្មើបានវិញនៅនាទី៣៣។
ចប់ការប្រកួតទាំង៩០នាទីលទ្ធផលមិនមានការប្រែប្រួលទេ ហើយឈានដល់វគ្គថែមម៉ោង១៥នាទី ២ដងក៏លទ្ធផលនៅតែ ១-១។ នៅវគ្គទាត់បាល់ប៉េណាល់ទីកាត់សេចក្ដីដ៏តានតឹង អ្នកទាត់ទាំង៥នាក់របស់ព័រទុយហ្គាល់មាន Cristiano Ronaldo, Renato Sanches, Joao Moutinho, Nani និងRicardo Quaresma សុទ្ធតែស៊ុតបានសម្រេចខណៈ ៣នាក់ដំបូងរបស់ប៉ូឡូញ Robert Lewandowski, Arkadiusz Milik និងKamil Glik ក៏ធ្វើបានសម្រេចដូចគ្នា តែ Jakub Blaszczykowski បែរជាភ្លាត់ស្នៀតស៊ុតមិនចូលធ្វើឲ្យប៉ូឡូញចាញ់ព័រទុយហ្គាល់ ៥-៣ ត្រូវហាលអាវត្រឹមវគ្គនេះ៕
ប្រែសម្រួល៖ វីរ៉ុត ប្រភព៖ BBC