អ្នកឯកទេសប្រាប់វិធីកក់សក់បានត្រឹមត្រូវ មិនកើតអង្គែ
- 2016-07-11 16:49:33
- ចំនួនមតិ 0 | ចំនួនចែករំលែក 0
អ្នកឯកទេសប្រាប់វិធីកក់សក់បានត្រឹមត្រូវ មិនកើតអង្គែ
ចន្លោះមិនឃើញ
អង្គែជាបញ្ហាសរសៃសក់ដែលមនុស្សគ្រប់គ្នាមិនចង់ជួបប្រទះ។ អ្នកខ្លះកើតអង្គែ ទោះកក់សាប៊ូបំបាត់អង្គែយ៉ាងណានៅតែមិនបាត់។ កញ្ញា ស្រីពៅ អ្នកពិនិត្យសរសៃសក់និងស្បែកក្បាល បានបង្ហើបពីតិចនិកកក់បានត្រឹមត្រូវ ដើម្បីបំបាត់អង្គែមិនវិលវិញ។
អ្នកឯកទេសរូបនេះបានប្រាប់នៅក្នុងឱកាសបង្ហាញការរចនារូបរាងថ្មីនៃសាប៊ូកក់សក់ក្លៀរបុរស នៅផ្សារទំនើប Aeon ថា ដំបូងអ្នកត្រូវដាក់សាប៊ូញីឈ្លីនឹងបាតដៃសិន រួចសឹមត្រដុសម៉ាស្សាលើស្បែកក្បាលឲ្យសព្វដើម្បីសាប៊ូជ្រាបចូលនឹងគល់សក់បានល្អ។
អ្វីដែលសំខាន់ហើយភាគច្រើនគ្រប់គ្នាមិនដឹង គឺអ្នកត្រូវកក់ចំនួនពីរដង។ កក់លើកទីមួយដោយអនុវត្តដូចការប្រាប់ខាងលើរួចលាងទឹកចេញ។ បន្ទាប់មកកក់ម្ដងទៀតដោយសម្អាតជាមួយទឹកស្អាតជាការស្រេច។
ការម៉ាស្សាស្បែកក្បាលនិងសរសៃសក់ជាមួយសាប៊ូ វាជួយកម្ចាត់សារជាតិប្រេងដែលរឹតតែជួយឲ្យសក់បាត់អង្គែនិងមិនងាយជ្រុះសក់។ ម្យ៉ាងទៀត អ្នកមិនចាំបាច់កក់រាល់ថ្ងៃឡើយ គឺអនុវត្ត២ថ្ងៃម្ដង។ ទោះជាបាត់អង្គែក៏ដោយ អ្នកគួរតែបន្តប្រើសាប៊ូប្រភេទនេះបន្តទៀតដើម្បីទប់ស្កាត់កុំឲ្យកើតមកម្ដងទៀត។
លើសពីនេះ កញ្ញា ស្រីពៅ បញ្ជាក់ថា ការកក់សក់អាចធ្វើឡើងបានទាំងពេលថ្ងៃនិងយប់។ ការបារម្ភថា កក់ពេលយប់អាចជាមូលហេតុកើតអង្គែគឺមិនត្រឹមត្រូវឡើយ។ បើអ្នកមានវិធីកក់បានត្រឹមត្រូវ និងសម្ងួតសក់កុំទុកផ្អាប់ នោះមិនជាមូលហេតុទេ៕
អត្ថបទ៖ លឹម សុនា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
