យុវសិស្សវ័យក្មេងប្រាប់អាថ៌កំបាំងបានមេដាយមាសពីការប្រកួត GENIUS Olympiad
- 2016-07-12 16:04:09
- ចំនួនមតិ 0 | ចំនួនចែករំលែក 0
យុវសិស្សវ័យក្មេងប្រាប់អាថ៌កំបាំងបានមេដាយមាសពីការប្រកួត GENIUS Olympiad
ចន្លោះមិនឃើញ
យុវសិស្សបីនាក់មកពីសាលាអន្តរជាតិ Zaman បានដណ្ដើមមេដាយមាសពីការប្រកួត GENIUS Olympiad ធ្វើឡើងនៅទីក្រុងញ៉ូវយ៉ក ដែលមានអ្នកដាក់ពាក្យជាង១ពាន់នាក់មកពី៦៥ប្រទេសផ្សេងៗគ្នា។
សិស្សថ្នាក់ទី១១ គឹម ច័ន្ទយូអាន ម្ចាស់មេដាយមាសផ្នែកតន្ត្រី បានប្រាប់ថា ការប្រកួតនោះមិនមែនផ្ដោតតែលើទេពកោសល្យមួយនោះទេ ។ មានអ្នកខ្លាំងៗចូលរួមច្រើន សូម្បីគ្រូបង្រៀនចម្រៀងក៏មានដែរ។
យុវជនអាយុ១៧ឆ្នាំបញ្ជាក់ពីមូលហេតុធ្វើឲ្យគេទទួលបានជោគជ័យថា៖ "ដោយសារការប្រកួតតម្រូវឲ្យទាក់ទងនឹងបរិស្ថាន ហើយអ្នកចូលរួមខ្លះគ្រាន់បញ្ចេញសមត្ថភាពតន្ត្រី។ ពួកគាត់មិនបានពន្លេចច្រើនទាក់ទងនឹងបរិស្ថាននោះទេ ដែលជាហេតុធ្វើឲ្យពូកគាត់មិនទទួលជោគជ័យ"។
ងាកមកម្ចាស់មេដាយមាសពីររូបទៀតគឺ ឡោ ម៉ីឡាន និង អានពេជ្រសុវណ្ណធីតា លើកយកគម្រោងចម្រុះទឹកស្អាត និយាយថា ពួកគេចំណាយពេលជាង៣ខែដើម្បីរៀបចំគម្រោងនេះឲ្យបានល្អ។ ទន្ទឹមនឹងនេះ ក្រុមរបស់កញ្ញាបានស្រាវជ្រាវយ៉ាងយកចិត្តទុកដាក់ និងសុំយោបល់ណែនាំពីសិស្សច្បង ក៏ដូចជាសាស្ត្រាចារ្យផងដែរ។
ក្រៅពីនោះយុវសិស្សវ័យក្មេងទាំងបីរូប រួមទាំងអ្នកជាប់មេដាយមាស ប្រាក់ សំរិទ្ធទាំង១៤នាក់ផ្សេងទៀតមកពីសាលាអន្តរជាតិ Zaman ក៏បានទទួលការកោតសរសើរពីលោក ហង់ ជួនណារ៉ុន មន្ត្រីនៃក្រសួងអប់រំយុវជននិងកីឡាទៀតផង៕
អត្ថបទ៖ លឹម សុនា