រោងមហោស្រពជាង១០០ឆ្នាំ ត្រូវប្ដូរទៅជាហាងលក់សៀវភៅដ៏អស្ចារ្យ
- 2016-07-18 19:03:34
- ចំនួនមតិ 0 | ចំនួនចែករំលែក 0
រោងមហោស្រពជាង១០០ឆ្នាំ ត្រូវប្ដូរទៅជាហាងលក់សៀវភៅដ៏អស្ចារ្យ
ចន្លោះមិនឃើញ
El Ateneo Grand Splendid Bookstore ជាហាងលក់សៀវភៅយ៉ាងធំសម្បើម និងល្បីឈ្មោះនៅទីក្រុង Buenos Aires ប្រទេសអាហ្សង់ទីន កំពុងទទួលការចាប់អារម្មណ៍ខ្លាំងពីសំណាក់មនុស្សចូលចិត្តការអាន។
មុនក្លាយជាហាងលក់សៀវភៅដ៏អស្ចារ្យនេះ វាបានវិវឌ្ឍមកពីរោងភាពមហោស្រពចំណាស់មួយដែលមានអាយុកាលជិត១០០ឆ្នាំ ដោយឈ្មោះដើម Grand Splendid Theater បានបើកដំណើរការដំបូងតាំងពីឆ្នាំ ១៩១៩មកម្ល៉េះ។
រោងមហោស្រពនេះ ត្រូវបានប្ដូរទៅជារោងភាពយន្តនៅឆ្នាំ ២០០០ និងបម្លែងទៅជាហាងលក់សៀវភៅវិញនៅប៉ុន្មានឆ្មាំចុងក្រោយនេះ ដោយបានស្វាគមន៍មនុស្សជាង ១លាននាក់ក្នុងមួយឆ្នាំៗ។
អគារគួរឲ្យស្ញប់ស្ញែងនេះ ត្រូវបានរចនារូបរាងឡើងដំបូងដោយស្ថាបត្យករ Peró និងTorres Armengol ហើយប្ដូររូបរាងពីរោងភាពយន្តទៅជាហាងលក់សៀវភៅដោយស្ថាបត្យករFernando Manzone តែបានរក្សាទុកនៅផ្នែកជាច្រើននៃរោងមហោស្រពដើម រួមមានជាន់ថ្នាក់ៗ យ៉ និងវាំងននពណ៌ក្រហមជាដើម។
កាលពីឆ្នាំ ២០០៨ El Ateneo Grand Splendid ត្រូវបានចាត់ថ្នាក់ជាហាងលក់សៀវភៅស្អាតបំផុតទី២លើលោក ដោយគេហទំព័រ The Guardian ផងដែរ៕
ចុចអាន៖ ចូលចិត្តគូរគំនូរតាំងពីអាយុ៨ឆ្នាំ រហូតបើកហាងលក់គំនូរមួយនៅសៀមរាប
ប្រែសម្រួល៖ ឡេង ភារុណ ប្រភព៖ Metro