NASA បិទការផ្សាយផ្ទាល់ភ្លាមៗ ពេលឃើញយានចម្លែកហោះចូលផែនដី
- 2016-07-18 20:41:34
- ចំនួនមតិ 0 | ចំនួនចែករំលែក 0
NASA បិទការផ្សាយផ្ទាល់ភ្លាមៗ ពេលឃើញយានចម្លែកហោះចូលផែនដី
ចន្លោះមិនឃើញ
នៅអំឡុងពេលការផ្សាយផ្ទាល់ពីស្ថានីយអវកាស ISS កាលពីថ្មីៗនេះ គេប្រទះឃើញវត្ថុពណ៌ស តូចមួយបានហោះសំដៅមកកាន់ភពផែនដី។ ស្របពេលដែលវត្ថុនោះធ្វើដំណើរកាន់តែជិតការផ្សាយផ្ទាល់នេះបានកាត់ផ្ដាច់ភ្លាម ធ្វើឲ្យមតិជាច្រើនយល់ថា NASA កំពុងព្យាយាមលាក់បាំងអ្វីមួយ។
ក្រោយហេតុការខាងលើ NASA បានបកស្រាយថា មូលហេតុដែលការផ្សាយផ្ទាល់បានកាត់ផ្ដាច់ គឺវាកើតឡើងដោយខ្លួនឯង ដោយមិនមាននរណាម្នាក់បានបញ្ជានោះឡើយ។ នេះបើតាមការលើកឡើងរបស់អ្នកនាំពាក្យភ្នាក់ងារអវកាស NASA។
អ្នកនាំពាក្យរូបនោះបន្តថា៖ "ពួកយើងប្រើប្រព័ន្ធ Network Relay នៅលើអាកាស។ វាអាចគ្របដណ្ដប់លើតំបន់ជាច្រើន ប៉ុន្តែពេលខ្លះអាចដាច់សេវា ចន្លោះពីរាប់សិបវិនាទី រហូតដល់ រាប់សិបនាទីឯណោះ"។
មតិមួយចំនួនបានលើកឡើងថាវត្ថុនោះអាចជា ផ្កាយរណប, សំរាមលំហអាកាស, អាចម៍ផ្កាយ, អាចជាចំណាំងប្លាតនៃពន្លឺចាំងលើឡេនកាមេរ៉ា ឬ អាចជាយានរបស់មនុស្សភពផ្កាយ (UFO) ពិតមែន៕
ក្រោយពីទស្សនាវីដេអូខាងលើរួចប្រិយមិត្តយល់យ៉ាងណាដែរ?
ចុចអាន៖ រុស្សីបង្ហាញយន្តហោះបំបាំងកាយ អាចបាញ់គ្រាប់នុយក្លេអ៊ែរពីអាកាសបាន
ប្រែសម្រួល៖ ហៃ សុខហេង ប្រភព៖ TechnoBuffalo