Miley Cyrus និង Rihanna ស្ទើរតែអត់ពាក់អាវដូចគ្នា ក្នុងរាត្រីសប្បុរសធម៌

2014-10-31 16:00:52
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងសិចស៊ី Miley Cyrus និង Rihanna បានចូលរួមក្នុងកម្មវិធីជប់លៀង amfAR Inspiration Gala នៅទីក្រុង Los Angeles កាលពីថ្ងៃពុធ។ ទោះស្ថិតក្នុងកម្មវីធីផ្លូវការបែបនេះក៏ដោយ ប៉ុន្តែតារាទាំងពីរដួងនៅតែធ្វើឲ្យគ្រប់គ្នាចាប់អារម្មណ៍យ៉ាងខ្លាំងតាមរយៈការស្លៀកសំលៀកបំពាក់បញ្ចេញដើមទ្រូងស្ទើរតែទាំងស្រុង។

Miley Cyrus បានចូលរួមកម្មវិធីនេះជាមួយម្ដាយរបស់នាងគឺអ្នកស្រី Tish។ តារាវ័យ ២១ឆ្នាំ រូបនេះបានស្លៀករ៉ូបវែងពណ៌ខ្មៅ តែផ្នែកខាងលើវិញស្ដើងមើលឃើញសាច់យ៉ាងច្បាស់ និងមានបិទបាំងតិចតួចបំផុត។

ដោយឡែកតារាចម្រៀងម្ចាស់បទ "Diamonds” វិញបានស្លៀករ៉ូបពណ៌សវែង តែមួយកំណាត់លើ គឺ មានតែអង្កាំបិទបាំងតិចតួចពីមុខតែប៉ុណ្ណោះ។

កម្មវិធី amfAR Inspiration Gala ត្រូវបានរៀបចំឡើងដើម្បីប្រមូលថវិកាសម្រាប់ការស្រាវជ្រាវអំពីជំងឺអេដស៍។ ក្រៅពី Miley Cyrus និង Rihanna តារាចម្រៀង និងសម្ដែងល្បីៗជាច្រើននាក់ទៀតក៏បានចូលរួមក្នុងកម្មវិធីនេះដែរ ដែលសំបុត្រចូលរួមក្នុងកម្មវិធីនេះមានតម្លៃចាប់ពី ១៥០០ដុល្លារ ដល់ ១០០០០ដុល្លារ ៕