ក្រោយ​ពី​យុទ្ធនាការ​ No Make Up Selfies និង Ice Bucket Challenge បាន​បញ្ចប់​ ឥលូវ​នេះ​តារា​ល្បី​ៗ​នៅ​បរទេស​បាន​ចាប់​ផ្ដើម​ចូលរួម​យុទ្ធនាការ​​មួយ​ទៀត​ដើម្បី​សប្បុរសធម៌​គឺ​យុទ្ធនាការ​កន្សែង​បង់ក (Alphabet Scarves)។

តារា​ចម្រៀង​ប៉ុប​ជា​ច្រើន​រូប​បាន​នាំ​គ្នា​ទិញ​កន្សែង​ដែល​មាន​ប៉ាក់​អក្សរ​ដើម​នៃ​ឈ្មោះ​របស់​ពួក​គេ ហើយ​ទឹក​ប្រាក់​ដែល​ប្រមូល​បាន​ពី​ការ​លក់​កន្សែង​នេះ​នឹង​ត្រូវ​បរិច្ចាគ​សម្រាប់​មន្ទីរ​ពេទ្យ​កុមារ Alder Hey Children។ មាន​ទីតាំង​នៅ​ទីក្រុង Liverpool ប្រទេស​អង់គ្លេស មន្ទីរ​ពេទ្យ​នេះ​បាន​ចាប់​ផ្ដើម​ដំណើរ​ការ​រយៈ​ពេល​មួយ​សតវត្ស​មក​ហើយ និង​បាន​ជួយ​សង្គ្រោះ​កុមារ​ និង​យុវជន​ច្រើន​ជាង ២៧៥ ០០០​នាក់​ក្នុង​មួយ​ឆ្នាំ​ៗ។ ​

កន្សែង​​ទាំង​នេះទើប​តែ​ដាក់​លក់​នៅ​តាម​ហាង Matalan នៅ​ទូទាំង​ប្រទេស​អង់គ្លេស និង​នៅ​តាម​អ៊ីនធឺណិត ​នៅ​ថ្ងៃ​អង្គារ​នេះ​ប៉ុណ្ណោះ ដោយ​កន្សែង​នីមួយ​ៗ​មាន​តម្លៃ ១០​ផោន (ប្រហែល ១៦​ដុល្លារ) និង​ ៥​ផោន សម្រាប់​កន្សែង​កូន​ក្មេង។ Britney Spears និង Justin Bieber គឺ​ជា​តារា​ល្បីដែល​បាន​ទិញ​កន្សែង​នេះ​មុន​គេ​។

តារា​​ៗ​ជា​ច្រើន​ទៀត​ដែល​បាន​ចូលរួម​យុទ្ធនាការ​នេះ​មាន​ដូច​ជា Abbey Clancy, Amanda Holden, Carol Vorderman, Danny Cipriani, singer Foxes, Gethin Jones, Dame Helen Mirren, Jessie J, Kylie Minogue ... ៕

 អានអត្ថបទ៖ Justin Bieber ត្រូវ Mayweather ដេញ​វាយ​ឡើង​ទ្រោម ហើយ​ចាក់​សំរាម​ដាក់​ទៀត!

អានអត្ថបទ៖ ប្រជុំ​រឿង​អាម៉ាស់​មិន​អាច​បំភ្លេច​បាន​ក្នុង​ឆាក​​ជីវិត​តារា​ល្បី