ខ្ញុង ដោយសារតែ នាយចឺម និងស្រីអ៊ីត បង្ខំចិត្តមិនទៅបារាំង
- 2016-07-25 18:20:45
- ចំនួនមតិ 0 | ចំនួនចែករំលែក 0
ខ្ញុង ដោយសារតែ នាយចឺម និងស្រីអ៊ីត បង្ខំចិត្តមិនទៅបារាំង
ចន្លោះមិនឃើញ
តារាកំប្លែងរបស់ CBS នាង ស្រេង សុកាន់ដា ហៅខ្ញុង បាននិយាយថា មាន Sponsor នៅប្រទេសបារាំងចង់បាននាងទៅសម្ដែង ក៏ដូចជាការច្រៀងនៅទីនោះ ប៉ុន្តែដោយសារតែជាប់រវល់ ហើយម្យ៉ាងទៀតនាយចឺម និង ស្រីអ៊ីត ត្រៀមចេញទៅក្រៅប្រទេសក្នុងពេលតែមួយផងនោះ ធ្វើឲ្យមេម៉ាយកូន១ម្នាក់នេះសម្រេចលុបចោលតែម្ដង។
តារាកំប្លែងស្រីខាងលើ បានរៀបរាប់ឲ្យដឹងថា Sponsor នៅប្រទេសបារាំង ចង់បានតាំងពី ១ឆ្នាំមុន ហើយនៅឆ្នាំនេះ ចង់ឲ្យទៅទៀត ប៉ុន្តែការងារក្នុងស្រុករវល់ខ្លាំងពេក ក៏ សម្រេចលើកពេលបន្តទៀត ។ "កាលឆ្នាំមុនគាត់ចង់ឲ្យទៅនៅខែ៨ តែខ្ញុំរវល់ ហើយឆ្នាំនេះ ចង់ឲ្យទៅនៅខែ៨នេះទៀត ខ្ញុំនៅជាប់ថតឲ្យគេ២រឿង ម្យ៉ាង នាយចឺម និង ស្រីអ៊ីត ចេញទៅពេលនឹងដែរ ទៅអស់គ្នាអត់កើតទេ" ។
ខ្ញុង ថា សុខចិត្តឲ្យសមាជិកក្នុងក្រុមខ្លួនចេញទៅសិន ចាំចេញទៅក្រោយក៏មិនអីដែរ ព្រោះនាងធ្លាប់បានចេញទៅក្រៅប្រទេសច្រើនលើកហើយ។ នាយនិយាយថា ប្រសិនបើនាងសម្រេចចិត្តចេញទៅក្រៅប្រទេសម្ដងទៀតនោះ មិនមែនជាប្រទេសបារាំងទេ គឺនាងចង់ទៅ សហរដ្ឋអាមេរិកច្រើនជាង៕
អត្ថបទ៖ ខុត សីហា