គម្រោងសួនកម្សាន្តក្រោមដីដំបូងគេក្នុងលោក ឃើញពិតជាប្លែក
- 2016-07-28 22:05:31
- ចំនួនមតិ 0 | ចំនួនចែករំលែក 0
គម្រោងសួនកម្សាន្តក្រោមដីដំបូងគេក្នុងលោក ឃើញពិតជាប្លែក
ចន្លោះមិនឃើញ
អភិបាលរងក្រុងដើម្បីការអភិវឌ្ឍសេដ្ឋកិច្ច និងលំនៅឋាន លោកស្រី Alicia Glen ព្រមទាំងលោកស្រី Maria Torres-Springer ប្រធានសហប្រតិបត្តិការអភិវឌ្ឍសេដ្ឋកិច្ចទីក្រុងញីវយ៉ក សហរដ្ឋអាមេរិក បានយល់ព្រមជាផ្លូវការក្នុងគម្រោងសង់សួនកម្សាន្តក្រោមដី។
ការយល់ព្រមនេះជាជំហានដ៏សំខាន់បំផុតមួយ ក្នុងការធ្វើឲ្យគម្រោង Lowline កើតមានពិតប្រាកដ ហើយវានឹងក្លាយជាសួនកម្សាន្តក្រោមដីដំបូងគេលើផែនដី។ លើសពីនេះ សួនកម្សាន្តនឹងត្រូវគេប្រើបច្ចេកវិទ្យានាំពន្លឺព្រះអាទិត្យចូលទៅក្រោមដីសម្រាប់បំភ្លឺ។
វាលសួនស្ថិតនៅចំណតរថភ្លើងក្រោម Delancey/Essex ដែលគេទុកចោលជាង ៤ទសវត្សហើយ។ ក្រុមអ្នកជំនាញបានបើកបន្ទប់ពិសោធន៍ Lowline Lab មួយកាលពីឆ្នាំ ២០១៥ ដើម្បីឲ្យដឹងថាបើគម្រោងសង់សួនក្រោមដីកើតមានមែន តើវានឹងដំណើរការយ៉ាងម៉េចដែរ។ បន្ទប់នេះ បានទទួលអ្នកចូលទស្សនាប្រមាណ ៧០ ០០០នាក់ហើយ គិតមកទល់ពេលនេះ ដើម្បីមើលរុក្ខជាតិដាំក្រោមដីជាង ៣០០០ដើម និងរាប់សិបប្រភេទ។ ទោះជាប្រភពមិនបានបញ្ជាក់ទំហំដីប៉ុន្មាន តែគេប្រាប់ថានឹងចំណាយទឹកប្រាក់ ១០លានដុល្លារអាមេរិក៕
ក្នុងបន្ទប់ពិសោធន៍សាកល្បង Lowline Lab
ចុចអាន៖ សួនកម្សាន្តធំជាងគេលើលោកនឹងបើកឆាប់ៗនៅឌូបៃ
ចុចអាន៖ ទៅមើលសួនកម្សាន្តទាំង២៥ដែលមានប្រជាប្រិយភាពខ្លាំងជាងគេលើពិភពលោក
ប្រែសម្រួល៖ ឡេង ភារុណ ប្រភព៖ huffingtonpost