ទេព បូព្រឹក្ស នឹងបកស្រាយជុំវិញការរិះគន់វីដេអូចម្រៀង Twerk ក្នុងកម្មវិធីស៊ីអារម្មណ៍របស់ភីអិនអិន
- 2016-07-31 17:43:51
- ចំនួនមតិ 0 | ចំនួនចែករំលែក 0
ទេព បូព្រឹក្ស នឹងបកស្រាយជុំវិញការរិះគន់វីដេអូចម្រៀង Twerk ក្នុងកម្មវិធីស៊ីអារម្មណ៍របស់ភីអិនអិន
ចន្លោះមិនឃើញ
នេះជាលើកដំបូងបង្អស់ហើយដែលតារាចម្រៀងវ័យក្មេង ទេព បូព្រឹក្ស ចូលខ្លួនបកស្រាយជុំវិញមតិរិះគន់របស់មិត្តយុវវ័យពាក់ព័ន្ធនឹងបទចម្រៀងថ្មីរបស់នាង ដែលមានចំណងជើងថា «Twerk» ក្នុងកម្មវិធីស៊ីអារម្មណ៍ ឬ Chit Chat Show របស់ភីអិនអិន នៅថ្ងៃចន្ទ ទី១ ខែសីហានេះ។
កញ្ញា ទេព បូព្រឹក្ស នៅក្នុងកិច្ចសម្ភាសន៍ជាមួយលោក ប៉ែន ចំរុង នៅថ្ងៃចន្ទសប្តាហ៍ក្រោយនេះ នឹងបកស្រាយរាល់ចម្ងល់ទាំងឡាយដែលពិធីករនឹងចោទសួរពីការរិះគន់របស់សាធារណមតិពាក់ព័ន្ធនឹងវីដេអូចម្រៀងរបស់នាងថាបានចំលងពីបរទេស បើទោះបីជាសាច់ភ្លេងត្រូវបានអះអាងថាជាបទ Original ក៏ដោយ។
មិនតែប៉ុននោះ ធានាថាទូរទស្សនិកជននឹងបានប្លែកភ្នែក ប្លែកអារម្មណ៍ជាមួយនឹងការរៀបចំតុបតែងឆាកបែបថ្មីមិនធ្លាប់មាន ព្រមជាមួយនឹងការសម្តែងក្បាច់រាំដ៏គួរឲ្យទាក់ទាញពីសំណាក់កញ្ញា ទេព បូព្រឹក្ស។ កម្មវិធីស៊ីអារម្មណ៍តែងតែខិតខំ រិះរកនូវគំនិតប្លែកៗសម្រាប់រៀបចំតុបតែងឆាកមិនឲ្យសុំាចំណីចក្ខុរបស់អ្នកទស្សនាឡើយ។
អ្នកនាង លួង ភីរ៉ូនីកា ផលិតករកម្មវិធីស៊ីអារម្មណ៍បាននិយាយថា៖ «កម្មវិធី ស៊ីអារម្មណ៍ នៅថ្ងៃចន្ទសប្តាហ៍ក្រោយនេះ អ្នកទស្សនានឹងទទួលបានអារម្មណ៍ថ្មីមួយបែបទៀតមិនធ្លាប់មានពីមុនមក តាមរយៈការតុបតែងឆាក ព្រមជាមួយនឹងកិច្ចសម្ភាសន៍ផ្តាច់មុខជាមួយតារាកិត្តិយសរបស់យើង ជុំវិញការរិះគន់វីដេអូចម្រៀងបទ Twerk របស់គាត់»។
កម្មវិធី ស៊ីអារម្មណ៍ ឬ Chit Chat Show របស់ ភីអិនអិន គឺជាកម្មវិធីកំសាន្តដ៏មានប្រជាប្រិយភាពមួយ ផ្សាយជូនទស្សនារៀងរាល់ថ្ងៃចន្ទ វេលាម៉ោង ៨និង៣០នាទី ដល់ម៉ោង៩ យប់។
ចាប់តាំងពីផ្តើមការផ្សាយដំបូងអំឡុង ខែមករា ដើមឆ្នាំ២០១៦មក ស៊ីអារម្មណ៍ បានបង្ហាញជូនប្រិយមិត្ត នូវវត្តមានតារាល្បីៗក្នុងវិស័យសិល្បៈជាច្រើនរបស់ប្រទេសកម្ពុជា មានដូចជា លោក ហេង ពិទូ កញ្ញា យូរី កញ្ញា មាស សុខសោភា លោក ចាន់ វឌ្ឍនាកា លោក វង្ស តារារតនា លោក អ៊ីណូ និងលោក ថេណា ជាដើម។
ស៊ីអារម្មណ៍ បានទាក់ទាញប្រជាប្រិយភាពជាខ្លាំងពីសំណាក់ទស្សនិកជនរបស់ខ្លួន ទាំងលើកញ្ចក់ទូរទស្សន៍ ក៏ដូចជាលើបណ្តាញសង្គម ដោយមានចំនួនអ្នកចូលទស្សនារាប់លានដង ទាំងតាមរយៈ Facebook Page (www.facebook.com/PNNTVCambodia) និង YouTube: PNN TV Official ។
ក្នុងនោះដែរបទចម្រៀង Love is Singular របស់លោក ថេណា ដែលសម្តែងនៅក្នុងកម្មវិធីស៊ីអារម្មណ៍ មានចំនួនអ្នកទស្សនាដល់ទៅជាង១លាន២សែនដងនៅលើទំព័រហ្វេសបុក PNN TV Cambodia។
PNN ជាស្ថានីយ៍ទូរទស្សន៍ដែលបានចំណាយទុនយ៉ាងច្រើនក្នុងការផលិតកម្មវិធីក្នុងស្រុកថ្មីៗ ដើម្បីបំពេញការផ្សាយនៅក្នុងម៉ោងមាសរបស់ខ្លួន និងផ្តល់ការកំសាន្តទៅដល់ពលរដ្ឋកម្ពុជា៕
ទស្សនាឈុតខ្លីរបស់កញ្ញា ទេព បូព្រឹក្ស ក្នុងកម្មវិធីស៊ីអារម្មណ៍ សូមចុច៖ https://www.facebook.com/PNNTVCambodia/videos/1139133776158343/
អត្ថបទ៖ ពាណិជ្ជកម្ម