ផ្ទុះ iPhone 6 ធ្វើឲ្យបុរសម្នាក់អស់ស្បែកភ្លៅមួយដុំ
- 2016-08-02 21:43:23
- ចំនួនមតិ 0 | ចំនួនចែករំលែក 0
ផ្ទុះ iPhone 6 ធ្វើឲ្យបុរសម្នាក់អស់ស្បែកភ្លៅមួយដុំ
ចន្លោះមិនឃើញ
បុរសវ័យ ៣៦ ឆ្នាំមួយរូបឈ្មោះ Gareth Clear ជាអ្នកប្រឹក្សាយោបល់មកពីក្រុងស៊ីដនី ប្រទេសអូស្ត្រាលី បានរងរបួសរលាកស្បែកភ្លៅ ដោយសារតែ iPhone 6 ផ្ទុះ កាលពីថ្ងៃអាទិត្យ។
ទូរសព្ទគឺស្ថិតនៅក្នុងហោប៉ៅរបស់ Clear ដែលវាបានឆេះ បន្ទាប់ពីគាត់ដួលកិនលើទូរសព្ទនោះ ក្រោយពីធ្លាក់ពីលើកង់។ បុរសរងគ្រោះបានរៀបរាប់ដូចនេះថា៖ "ខ្ញុំស្រាប់តែឃើញផ្សែងហុយចេញពីហោប៉ៅក្រោយរបស់ខ្ញុំ, ខ្ញុំពិតជាគិតមិនឃើញថាវាជាស្អីឡើយ ហើយក្រោយមកស្រាប់តែមានអារម្មណ៍ឈើពើតតែម្ដង"។
ការផ្ទុះនេះដែរបានបណ្ដាលឲ្យភ្លៅខាងស្ដាំរបស់ Clear រងការរលាកកម្រិតទី ៣ ដែលតម្រូវឲ្យព្យាបាលដោយផ្សាំស្បែក។ ក្រោយជួបហេតុការបុរសវ័យ ៣៦ ឆ្នាំ នេះបានចែកចាយព័ត៌មាននេះទៅបណ្ដាញសង្គម Twitter ឲ្យអ្នកប្រើប្រាស់មានការប្រុងប្រយ័ត្ននឹងថ្មលីចូម ព្រោះថាអាចផ្ទុះនៅពេលឡើងកម្ដៅខ្លាំង, ឆេះអ៊ីសេ និង រងការប៉ះទង្គិច (ដូចករណីរបស់គាត់ជាដើម)។
ចំពោះមូលហេតុពិតប្រាកដពីក្រោយការផ្ទុះនេះគេនៅមិនទាន់ដឹងច្បាស់នៅឡើយ ហើយក៏មិនទាន់ឃើញមានការបកស្រាយពីសំណាក់ក្រុមហ៊ុន Apple ដោយផ្ទាល់ដែរ៕
ចុចអាន៖ ធ្លាយព័ត៌មានពី Foxconn ថា iPhone 7 ធន់នឹងទឹកជាង iPhone 6s
ប្រែសម្រួល៖ ហៃ សុខហេង ប្រភព៖ CNet
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
