Zenfone 3 Deluxe ទូរសព្ទស៊េរីថ្មី អភិវឌ្ឍខ្លាំងលើកាមេរ៉ា

2016-08-04 19:08:49
ចំនួនមតិ 0 | ចំនួនចែករំលែក 0

ចន្លោះមិនឃើញ

Zenfone 3 Deluxe របស់ក្រុមហ៊ុន ASUS ដែលទើបនឹងសម្ពោធដាក់លក់ជាផ្លូវការនៅប្រទេសថៃ កាលពីពេលថ្មីៗ មានអ្នកគាំទ្រជាច្រើនចាប់អារម្មណ៍លើមុខងារនិងបច្ចេកវិទ្យា រួមនឹងសមត្ថភាពកាមេរ៉ាដែលមានទំហំដល់ទៅ ២៣ មេហ្គាភិចសែលមិនចាញ់គូប្រកួតប្រជែងប៉ុន្មានទេ។

@សមត្ថភាពកាមេរ៉ា

កាមេរ៉ាក្រោយរបស់ Zenfone 3 Deluxe មានទំហំដល់ទៅ ២៣ មេហ្គាភិចសែល មានមុខងារ OIS ជួយទប់លំនឹងមិនឱ្យមានលំញ័រពេលចាប់យករូបភាព។ រីឯវីដេអូអាចថតបានដល់កម្រិត 4K ក្នុងល្បឿន 30 fps ចំណែកកាមេរ៉ាមុខមានទំហំ ៨ មេហ្គាភិចសែលមានមុខងារ Auto Focus ដែលជំនួយដល់ការថតរូបសេលហ្វី ឬជាក្រុមបានច្បាស់ល្អមិនព្រាល។

@ការរចនារូបរាង

ស្មាតហ្វូននេះមានកម្រាស់ ត្រឹមតែ 7.5mm រាងកោងពីខាងក្រោយបន្តិច មានទម្ងន់ប្រហែល ១៧០ ក្រាម និងមានពណ៍ប្រាក់ ប្រផេះ មាសស្រាល ក្រាលដោយអេក្រង់ Super AMOLED បំពាក់មកជាមួយកញ្ចក់ការពារភាពឆ្កូត Corning Gorilla Glass4 ដែលមានទំហំ 5.7 inch កម្រិត Resultion Full HD និងមានដង់ស៊ីតេ 386 ppi។

@សមត្ថភាពទូទៅ

Zenfone 3 Deluxe ដើរដោយប្រព័ន្ធប្រតិបត្តិការ Android 6.0 Mashmallow, Asus ZenUI ជំនាន់ ទី ៣ បំពាក់មកជាមួយបន្ទះឈីបប្រភេទ Qualcomm Snapdragon 820 មានទំហំ RAM 4GB អាចបន្ថែមម៉េម៉ូរីកាតប្រភេទ MicroSD ចាប់ពី 64GB ចំណែកឯថាមពលថ្ម មានទំហំ 3000 mAh, បំពាក់បច្ចេកវិទ្យាស្គេនក្រយៅដៃនៅផ្នែកខាងក្រោយ រួមជាមួយបច្ចេកវិទ្យាសាកភ្លើងឆាប់រហ័ស Quick Charge 3.0។