Miley Cyrus ត្រូវអូសចូលសង្គ្រាមរវាងអ្នកគាំទ្ររបស់ EXO និង Justin ទាំងមិនដឹងខ្លួន

2016-08-16 17:14:21
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសុខៗ តារាចម្រៀងល្បីឈ្មោះអាមេរិកស្រាប់តែត្រូវបានគេអូសចូលក្នុងជម្លោះអនឡាញរបស់អ្នកគាំទ្រក្រុមចម្រៀង EXO និងតារាចម្រៀង Justin Bieber ទាំងខ្លួនមិនបានធ្វើអី។

រឿងរ៉ាវចាប់ផ្ដើមឡើងនៅពេលអ្នកគាំទ្ររបស់ក្រុមចម្រៀងល្បីឈ្មោះ EXO បានបង្ហោះពីរូបភាពប្រៀបធៀបពីការប្រគំតន្ត្រីរបស់ Justin Bieber និងidol របស់ខ្លួននៅប្រទេសជប៉ុនក្នុងថ្ងៃតែមួយ។ នៅក្នុងរូបគេសង្កេតឃើញថា ការប្រគំតន្ត្រីរបស់ EXO មានទស្សនិកជនមកមើលឡើងពេញ រីឯកម្មវិធីរបស់ម្ចាស់បទ "Baby” បែរជាខ្សត់មនុស្សទៅវិញ។ ហ្វេនរបស់ម្ចាស់បទ "Call Me Baby” ក៏មិនភ្លេចសង្កត់ដែរថាខនសឺតរបស់ EXO ត្រូវបានលក់ដាច់អស់ក្នុងរយៈពេល ០,៤វិនាទី។

យ៉ាងណាក៏ដោយ ក្រោយមកគេបានដឹងថារូបភាពនៅក្នុងខនសឺតរបស់ Justin គឺត្រូវបានថតក្រោយពេលកម្មវិធីនេះចប់ហើយទស្សនិកជនបានចេញទៅជិតអស់។ នៅពេលនេះសង្គ្រាមរវាងអ្នកគាំទ្រ EXO និង Justin បានផ្ទុះឡើង។ ខណៈពេលជម្លោះកំពុងតែក្ដៅសន្ធោសន្ធៅនោះ អ្នកគាំទ្រម្នាក់របស់ Miley Cyrus បានចេញមុខចំអកឲ្យអ្នកគាំទ្ររបស់ EXO ក៏ដូចជា Kpop ទាំងស្រុងដោយបានបោះពាក្យសម្ដីថា៖ "Kpop ត្រូវបានគេស្គាល់តែនៅអាស៊ីតែប៉ុណ្ណោះ"។ បន្ទាប់មក ម្ចាស់បទ "Wrecking Ball” ចាប់ផ្ដើមត្រូវអ្នកគាំទ្រ Kpop ក៏ដូចជាអ្នកគាំទ្ររបស់ EXOវាយប្រហារទាំងនៅលើ Instagram និង Twitter។ ទាក់ទិននឹងរឿងនេះ Miley រក្សាតែភាពស្ងៀមស្ងាត់នៅឡើយ៕