Hazard ចង់លើកពាន EPL លើកទី២ជាមួយ Chelsea រដូវកាលនេះ
- 2016-08-22 22:32:45
- ចំនួនមតិ 0 | ចំនួនចែករំលែក 0
Hazard ចង់លើកពាន EPL លើកទី២ជាមួយ Chelsea រដូវកាលនេះ
ចន្លោះមិនឃើញ
Eden Hazard ខ្សែបម្រើឆ្នើមក្រុម Chelsea ជឿថាអ្នកចាត់ការថ្មី Antonio Conte នឹងជួយឲ្យក្រុមតោខៀវមានទម្រង់លេងខ្លាំងជាងមុន និងអាចឈ្នះពាន Premier League បានរដូវកាលនេះ។
Eden Hazard ខ្សែបម្រើឆ្នើមក្រុម Chelsea
Chelsea ក្រោមការដឹកនាំរបស់អ្នកចាត់ការថ្មីសញ្ជាតិអ៊ីតាលី Conte បើកឆាក Premier League រដូវកាលថ្មី២ប្រកួត ឈ្នះទាំង២ប្រកួត ខណៈដែល Hazard ដែលធ្លាប់លើកពានលីគកំពូលអង់គ្លេសនេះម្ដងជាមួយក្រុមតោខៀវកាលរដូវកាល២០១៤-១៥ បានធ្លាក់ទម្រង់លេងខ្លាំងរដូវកាលមុន ប៉ុន្តែពេលនេះហាក់លេងបានល្អវិញហើយ។
ខ្សែបម្រើជម្រើសជាតិបែលហ្សិក បានប្រាប់ដល់ Chelsea TV ថា៖ "Conte ជាអ្នកចាត់ការល្អ គាត់ជឿជាក់ក្រុមគាត់ ហើយយើងព្យាយាមគ្រប់យ៉ាងដើម្បីគាត់។ យើងចង់ឈ្នះសម្រាប់អ្នកគាំទ្រផងដែរ។ យើងមានក្រុមល្អ...មានក្រុមល្អៗច្រើននៅ Premier League ហើយយើងនឹងឃើញនៅចប់រដូវកាល ប៉ុន្តែយើងចង់ក្លាយជាជើងឯក”។
“វាគ្រាន់តែជាការចាប់ផ្ដើមរដូវកាលថ្មីប៉ុណ្ណោះ ប៉ុន្តែបើយើងចង់ឈរកំពូលតារាង យើងត្រូវតែឈ្នះ។ ក្រុម Manchester ទាំង២ឈ្នះទាំងអស់...យើងក៏ចង់ឈ្នះដូចគ្នា ហើយយើងបានធ្វើវាសម្រេចហើយ។ ២ប្រកួតដ៏អស្ចារ្យ យើងឈ្នះទាំង២...ខ្ញុំសប្បាយចិត្ត ហើយខ្ញុំចង់លេងឲ្យបានល្អបំផុតសម្រាប់ក្រុមនេះ”។ កីឡាករវ័យ២៥ឆ្នាំ បន្ថែម៕
ប្រែសម្រួល៖ វិន ជីវ័ន្ត ប្រភព៖ Dailymail