ប្រទះឃើញភពអាចឲ្យមនុស្សរស់នៅបាន មានចម្ងាយ ៤ ឆ្នាំពន្លឺពីផែនដី
- 2016-08-25 17:07:45
- ចំនួនមតិ 0 | ចំនួនចែករំលែក 0
ប្រទះឃើញភពអាចឲ្យមនុស្សរស់នៅបាន មានចម្ងាយ ៤ ឆ្នាំពន្លឺពីផែនដី
ចន្លោះមិនឃើញ
ក្រុមអ្នកវិទ្យាសាស្ត្រទើបប្រកាសពីការប្រទះឃើញភពមួយនៅក្នុងប្រព័ន្ធព្រះអាទិត្យ ដែលអាចទ្រទ្រង់ជីវិតបាន ដោយវាមានចម្ងាយត្រឹម ៤ ឆ្នាំពន្លឺពីភពផែនដីតែប៉ុណ្ណោះ។
ភពថ្មីនេះមានទំហំធំជាងផែនដីបន្តិចដែលវាធ្វើដំណើរគោចរជុំវិញផ្កាយ Proxima Centauri ដែលជាផ្កាយមួយស្ថិតនៅក្បែរផែនដីជាងគេ។ ភពនេះត្រូវក្រុមអ្នកវិទ្យាសាស្ត្ររកឃើញ និង សិក្សាពីវា តាមរយៈការប្រើប្រាស់កែវយឹត European Southern Observatory ហើយគេបានដាក់ឈ្មោះភពនេះថា Proxima b។ ត្បិតថា ៤ ឆ្នាំពន្លឺ មានចម្ងាយឆ្ងាយដល់ទៅ ៤០ លានលានគីឡូម៉ែត្រ ប៉ុន្តែយានអវកាសល្បឿនលឿនដែលអាចបង្កើតបាននៅថ្ងៃអនាគត នឹងអាចធ្វើដំណើរទៅដល់ភពនេះបាន។
ផ្កាយ Proxima Centauri ថតបានដោយកែវយឹត Hubble របស់ NASA
និយាយពីចំណុចសំខាន់ៗរបស់ Proxima b មានចម្ងាយ ៧,៥ លានគីឡូម៉ែត្រពីផ្កាយរបស់វា ហើយចំណាយពេលត្រឹម ១១,២ ថ្ងៃ ដើម្បីរង្វិលជុំម្ដង។ ទំហំរបស់ភពនេះអាចធំជាងភពផែនដីប្រហែល ១,៣ ដង។ សីតុណ្ហភាពលើផ្ទៃខាងក្រៅនៃភពអាចមានចន្លោះពី -៩០ អង្សាសេ ទៅ ៣០ អង្សាសេ មានន័យថាភពនេះអាចមានជាប្រភពទឹក ដែលជាធនធានសំខាន់មួយសម្រាប់ទ្រទ្រង់ជីវិត។
សាស្ត្រាចារ្យ Guillem Anglada-Escude មកពីសកលវិទ្យាល័យ Queen Mary University ទីក្រុងឡុងដុង ជាអ្នកដឹកនាំការស្រាវជ្រាវនេះ ដោយមានតារាវិទូ ៣០ រូបចូលរួម បានឲ្យដឹងថា តម្រុយពីភពនេះបានប្រទះឃើញកាលពីខែមីនា ឆ្នាំ ២០០០ ហើយគេត្រូវចំណាយពេល ១៥ ឆ្នាំបន្ថែមទៀត ដើម្បីស្វែងរកភស្តតាងបញ្ជាក់ពីវត្តមាននៃភព មុនការប្រកាសរបកគំហើញនេះដល់ពិភពលោកបានដឹង៕
ចុចអាន៖ ណាសាបារម្ភពីអាចម៍ផ្កាយទំហំយក្ស អាចបុកផែនដីនៅសតវត្សទី ២២
ប្រែសម្រួល៖ ហៃ សុខហេង ប្រភព៖ DailyMail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
