អត្តពលិកកូរ៉េខាងជើងដែលអត់ឈ្នះមេដាយអូឡាំពិក អាចនឹងទទួលទណ្ឌកម្ម
- 2016-08-28 18:45:50
- ចំនួនមតិ 0 | ចំនួនចែករំលែក 0
អត្តពលិកកូរ៉េខាងជើងដែលអត់ឈ្នះមេដាយអូឡាំពិក អាចនឹងទទួលទណ្ឌកម្ម
ចន្លោះមិនឃើញ
មុនកីឡាអូឡាំពិក Rio 2016 ប្រទេសប្រេស៊ីលត្រូវបិទបញ្ចប់ មេដឹកនាំកូរ៉េខាងជើង គីម ជុងអ៊ុន បានព្រមានអត្តពលិករបស់ខ្លួនទាំងអស់ ត្រូវត្រលប់មកមាតុប្រទេសវិញ យ៉ាងហោចណាស់រកឲ្យបានមេដាយចំនួន ១៧។
គីម ជុងអ៊ុន
គោលបំណងដណ្ដើមយកមេដាយទាំង ១៧នោះ ត្រូវតែមានមេដាយមាសយ៉ាងតិច ៥ នៃអត្តពលិកទាំងអស់ចំនួន ៣១នាក់ តែលទ្ធផលមកវិញបាន ៧ប៉ុណ្ណោះ មានមេដាយមាសចំនួន ២ ប្រាក់៣ និងសំរឹទ្ធ២។
អ្នកឈ្នះមេដាយទាំងអស់ នឹងទទួលបានរង្វាន់លើកទឹកចិត្តដូចជាផ្ទះសម្បែង របបអាហារ រថយន្តមួយគ្រឿង និងរង្វាន់ផ្សេងទៀតពីមេដឹកនាំ។ ចំណែកអ្នកមិនទទួលបាន នឹងត្រូវដាក់ទណ្ឌកម្មឲ្យរើទៅរស់នៅកន្លែងយ៉ាប់យ៉ឺន កាត់បន្ថយរបបអាហារ ហើយធ្ងន់ធ្ងរជាងគេ នឹងត្រូវបញ្ជូនទៅកាន់កន្លែងជីករករ៉ែតែម្ដង។
ការធ្វើបែបនេះ ត្រូវបានគេសន្និដ្ឋានថា ទំនងជាលោក គីម ជុងអ៊ុន ឃើញកូរ៉េខាងត្បូងវិលមកប្រទេសវិញជាមួយមេដាយចំនួន ២១ ក្នុងនោះមានមេដាយមាសចំនួន ៩ ដែលច្រើនជាងខ្លួនរកបានទៅទៀត៕
ប្រែសម្រួល៖ ឡេង ភារុណ ប្រភព៖ The Sun