EXO និង B.A.P ត្រូវអ្នកគាំទ្រគប់ខោអាវក្នុងពេញឆាក ពេលសម្ដែងនៅម៉ិកស៊ីកូ

2014-11-02 16:41:19
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមសារព័ត៌មាន TV Report កម្មវិធី "Music Bank” របស់ទូរទស្សន៍ KBS ដែលបានប្រគំឡើងជាពិសេសនៅសង្វៀន Mexico City ប្រទេសម៉ិកស៊ីកូ កាលពីថ្ងៃទី៣០ កន្លងទៅនេះបានជួបប្រទះបញ្ហាខ្លះៗដោយសារមានអ្នកគាំទ្រមួយចំនួនបានគប់ ខោក្នុង និងអាវក្នុងជាច្រើនមកលើឆាក។

ការប្រគំតន្ត្រីដ៏ធំនេះមានការចូលរួមទស្សនាពីទស្សនិកជនប្រមាណ ១២០០០នាក់ ដែលក្នុងនោះអ្នកគាំទ្រមួយចំនួន បានបង្ហាញការគាំទ្រតារារបស់ខ្លួនតាមរយៈការគប់ខោក្នុង និងអាវទ្រនាប់មកលើឆាក នៅក្នុងការសម្ដែងរបស់ក្រុម EXO-K និងក្រុម B.A.P។ ដោយយល់ថាមិនស្រួល អ្នករៀបចំកម្មវិធីក៏បានផ្អាកការសម្ដែងមួយសន្ទុះធំ ក្រោយពីការសម្ដែងរបស់ក្រុម EXO-K និងបានប្រកាសថាការប្រគំតន្ត្រីនឹងមិនបន្តទៀតឡើយប្រសិនបើអ្នកទស្សនានៅតែគប់ខោក្នុងអាវក្នុងមកលើឆាកបែបនេះ។ ក្រោយពីការព្រមាននេះ ក្រុម EXO ក៏បានចេញសម្ដែងបទ "Growl” សារជាថ្មី។

កម្មវិធីនេះដែរក៏មានការចូលរួមសម្ដែងពីក្រុមចម្រៀងផ្សេងៗទៀតដូចជា ក្រុម BEAST, ក្រុម INFINITE, ក្រុម Girl’s Day, Ailee និង ក្រុម BTS។

ទស្សនារូបភាពនិងវីដេអូខាងក្រោមនេះ៖

http://youtu.be/PMqxt4pMDI8

http://youtu.be/O3T9iGB1QbI