និស្ស័យស្នេហ៍២០ឆ្នាំរបស់ Shu Qi និង Stephen Fung

2016-09-06 13:00:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងរយៈពេលដ៏វែងនេះ មានតែតារាសម្ដែងនិងអ្នកដឹកនាំ Stephen Fung តែមួយគត់ដែលបាននៅក្បែរ និងតែងលើកទឹកចិត្តនៅរាល់ពេល Shu Qi ជួបឧបសគ្គនៅក្នុងជីវិតការងារក៏ដូចជាស្នេហា។

ក្រោយពេលទម្លាយព័ត៌មានរៀបមង្គលការជាមួយតារាសម្ដែងស្រីល្បីឈ្មោះ Shu Qi រួច តារាសម្ដែង និងអ្នកដឹកនាំរឿង Stephen Fung បានចែករំលែកពីនិស្ស័យស្នេហ៍ជិត២០ឆ្នាំរបស់ខ្លួន និងប្រពន្ធជាមួយបណ្ដាញព័ត៌មាន Ettoday។ "លើកទីមួយដែលខ្ញុំ Shu Qi គឺនៅឆ្នាំ ១៩៩៧។ វាគឺជាស្នេហាផ្លេកបន្ទោរ Shu Qi គឺជាក្មេងស្រីដែលត្រង់ម្នាក់ រាល់ភាពរីករាយក៏ដូចជាទុក្ខសោក នឹងត្រូវបានបង្ហាញលើផ្ទៃមុខទាំងអស់។ ខ្ញុំបានសុំលេខទូរសព្ទរបស់នាងមុន ហើយក៏តែងណាត់គ្នាទៅញ៉ាំអី" តួរឿង "Bishonen” ឲ្យដឹង។

Stephen បានក្លាយជាវីរបុរសទី១របស់ Shu Qi ដោយសារតែរាល់មនុស្សប្រុសដែលធ្លាប់ឆ្លងកាត់ជីវិតរបស់ស្រីស្អាតរូបនេះសុទ្ធតែមិនអាចដឹកដៃនាងដើរដល់ទីបញ្ចប់ដោយសារតែអតីតកាលខ្មៅងងឹតរបស់នាង។ ក្រោយស្និទ្ធស្នាលនឹងគ្នា២០ឆ្នាំ Shu Qi និង Stephen Fungពីមិត្តភ័ក្ដិក្លាយជាសង្សារ និងទីបំផុតគឺប្ដីប្រពន្ធ។ អាពាហ៍ពិពាហ៍របស់អ្នកទាំង២កើតឡើងដោយម្ចាស់ខ្លួនសឹងតែមិនដឹង។ Stephen បានសុំតារាសម្ដែងវ័យ៤០ឆ្នាំរៀបការក្នុងឱកាសចៃដន្យមួយ។ មង្គលការរបស់ពួកគេត្រូវបានធ្វើឡើងនៅទីក្រុង Prague សាធារណរដ្ឋឆែកដោយមានអ្នកចូលរួមតែ២០នាក់៕