បេក្ខជន The Voice អឿម រុន ត្រូវ Fan ប្រដូចទៅនឹង Justin Bieber

2014-11-04 13:20:41
ចំនួនមតិ 0 | ចំនួនចែករំលែក 0

ចន្លោះមិនឃើញ

បេក្ខជន អឿម រុន ដែលតែងតែទទួលបានការគាំទ្រច្រើន ក្នុងកម្មវិធី The Voice Cambodia ត្រូវបណ្ដាអ្នកលេងហ្វេសប៊ុកជាច្រើនបន្តុះបង្អាប់ ថាសំឡេងមិនកើត។ ប៉ុន្តែទោះបីជាយ៉ាងណា ក៏មាន Fan ខ្លះស្រលាញ់ចូលចិត្តលោក រហូតប្រដូចសំឡេងរបស់លោក ទៅនឹងតារាចម្រៀងល្បីវ័យក្មេង Justin Beiber ពេលចូលប្រឡងក្នុងកម្មវិធី X Factor ទៀតផង។

អឿម រុន (ឆ្វេង) និង Justin Beiber (ស្ដាំ)

បេក្ខជនជាកូនកសិករមកពីខេត្តសៀមរាបរូបនេះ ត្រូវអ្នកលេងហ្វេសប៊ុកម្នាក់ប្រៀបធៀបថា"៖ អឿម រុន ខ្ញុំប្រដូចទៅនឹងតារាចម្រៀង លំដាប់ពិភពលោកគឺ Justin bieber កាលដែលគាត់ទៅប្រឡងធ្វើជាតារាចម្រៀងក្នុងកម្មវិធី X Factor"។

" ពេលនោះការប្រើសំឡេងច្រៀងរបស់គាត់ មិនធ្វើឱ្យគណៈកម្មការពេញចិត្តនោះទេ តែដោយការ Vote គាំទ្រច្រើន ទើបធ្វើឲ្យគាត់បានជាប់។ ក្រោយមកសំឡេងរបស់គាត់ធ្វើបានកាន់តែប្រសើរឡើង រហូតល្បីល្បាញទូទាំងពិភពលោក"។

អ្នកគាំទ្រ អឿម រុន ដដែលថែមទាំងបានបង្ហាញ Link វីដេអូដែល JB ឡើងប្រឡងច្រៀងក្នុងកម្មវិធី X Factor USA។ ភ្លាមៗនោះដែរ មាន Fan ខ្លះបញ្ចេញ Comment ថាវីដេអូនេះ មិនមែនជាតារាវ័យ១៩ឆ្នាំសញ្ជាតិកាណាដាទេ ពោលគឺបេក្ខជននេះ មានឈ្មោះផ្សេង តែត្រូវបានគេហៅថា New Justin Beiber ព្រោះមានមុខមាត់ស្រដៀងគ្នាខ្លាំងពេក។

អឿម រុន ជាកូនក្រុមរបស់គ្រូបង្វឹក ពេជ្រ សោភា ដោយការបង្ហាញខ្លួននៅវគ្គ Live Show បួនលើករបស់លោក គឺទទួលបានការគាំទ្រច្រើន។ ចំណែកយប់ថ្ងៃអាទិត្យ ទី២ ខែវិច្ឆិកា លោកទទួលបានសារបោះឆ្នោតគាំទ្រច្រើនជាងគេ ក្នុងចំណោមបេក្ខភាពបីនាក់ ជាហេតុធ្វើឱ្យលោកឡើងទៅវគ្គពាក់គណ្ដាលផ្ដាច់ព្រ័ត្របន្តទៀត៕