ប្រើពេល៣២ឆ្នាំជីករូងថ្មទម្លុះភ្នំ សង្ស័យថាទុកនាំមាសចេញ

2014-11-03 22:01:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យចំណាស់ជនជាតិអាមេរិក William Henry ‘Burro’ Schmidt បានចំណាយពេលអស់៣២ឆ្នាំ ដើម្បីជីករូងទម្លុះថ្មភ្នំមួយ នៅវាលខ្សាច់ Mojave ក្នុងទីក្រុង El Paso សហរដ្ឋអាមេរិក។

ទោះបីចំណាយពេលអស់ពាក់កណ្ដាលជីវិត តែលោកមិនបញ្ជាក់អ្វីច្រើន ពីគម្រោងជីករូងថ្មនេះឡើយ។ ពេលមានគេសួរ ហេតុអ្វីជីកថ្មនេះ? លោក William គ្រាន់បង្ហាញថា វាជាផ្លូវកាត់ទៅកន្លែងណាមួយ ដែលគ្មាននរណាម្នាក់ដឹង។

លោក William បានភៀសខ្លួនពីកោះ Rhode ទៅវាលខ្សាច់នេះ នៅចុងឆ្នាំសតវត្សទី១៩ ហើយនៅទីនេះ លោកជាអ្នកជីករករ៉ែ។ ប្រភពថាលោក បានជីករូងថ្មនេះក្នុងអំឡុងឆ្នាំ ១៩០២។

អ្នកនៅក្នុងតំបន់បានឱ្យដឹងថា លោក William ជាមនុស្សឆ្កួត រស់នៅតែម្នាក់ឯង និងជាមនុស្សកំណាញ់ ម៉ៅស្វិតបំផុត។ យ៉ាងណាមកដល់បច្ចុប្បន្នរូងថ្ម Burro Schmidt នេះ នៅតែជាកន្លែងអាថ៌កំបាំង និងភ័យខ្លាចមួយសម្រាប់ទៅទស្សនា តែមានអ្នកខ្លះយល់ថា William ជីកផ្លូវកាត់នេះ ដើម្បីយករ៉ែមាសទៅលក់នៅទីផ្សារ៕