កម្មវិធីប្រឡងជ្រើសរើស "កញ្ញាឯកកម្ពុជា ២០១៦" វគ្គដំបូង ធ្វើនៅខេត្តតាកែវ

2016-09-24 00:13:39
ចំនួនមតិ 0 | ចំនួនចែករំលែក 0

ចន្លោះមិនឃើញ

គណៈកម្មាធិការនៃកម្មវិធីប្រឡងជ្រើសរើស "កញ្ញាឯកកម្ពុជា ២០១៦" វគ្គដំបូង បានមកដល់ភាគខាងត្បូងនៃកម្ពុជាហើយ ដើម្បីស្វែងរកកំពូលសម្រស់។ ដូចខេត្តដទៃដែរ តាកែវ ជាខេត្តដែលមានភាពសុខសាន្តដែលអាចទាក់ទាញទេសចរបានច្រើន។

មានឈ្មោះជា "ប្រភពដើមនៃអារ្យធម៌ខ្មែរ" ខេត្តតាកែវ គឺជាប្រភពដើមនៃប្រាសាទដែលបានសាងសង់មុនអង្គរជាច្រើនដែលត្រូវបានកសាងចន្លោះសតវត្សទី៥ និង១២ ដែលមានទេសចរណ៍បែបវប្បធម៌ដ៏ទាក់ទាញ។ ភាពទាក់ទាញផ្សេងទៀត មានដូចជា រមណីយដ្ឋានធម្មជាតិ ទន្លេ និងបឹង ដែលជាកន្លែងគួរឲ្យចង់ទៅកម្សាន្ត។ សេដ្ឋកិច្ចនៅខេត្តតាកែវ ពឹងផ្អែកលើកសិកម្មដំណាំស្រូវ ផ្លែឈើ និងការនេសាទ។ ខេត្តនេះ មានប្រជាជន ៦,៤% នៃប្រជាជនកម្ពុជាសរុប ឬ ៩២៥ ០០០ នាក់។

សណ្ឋាគារដ៏ស្រស់ស្អាត Alice Villa គឺជាកន្លែងដំណើរការនៃកម្មវិធីប្រឡងជ្រើសរើស "កញ្ញាឯកកម្ពុជា ២០១៦" វគ្គដំបូងនៅតាកែវ។ បេក្ខនារីជាច្រើនបានដាក់ពាក្យប្រឡង។ បេក្ខនារីដែលបានដាក់ពាក្យប្រឡង ទទួលបានគ្រឿងសម្អាងពីក្រុមហ៊ុន Unilever និងគណនី Wing ឥតគិតថ្លៃ។ តើកំពូលសម្រស់ក្នុងខេត្តតាកែវ នឹងជាប់ក្នុងបញ្ជីបេក្ខភាព ២០ នាក់ចុងក្រោយសម្រាប់ប្រឡងវគ្គផ្តាច់ព្រ័ត្រក្នុងកម្មវិធី "កញ្ញាឯកកម្ពុជា ២០១៦" ដែរឬទេ?